Bazafika eHarare ngamabhayisikili . . . kukhankaselwa iCovid-19

19 Nov, 2020 - 00:11 0 Views
Bazafika eHarare ngamabhayisikili . . . kukhankaselwa iCovid-19 uDeputy minister we-Industry and Commerce uCde Raj Modi lequla labatshova amabhayisikili

uMthunywa

YiNtatheli kaMthunywa
KULEQULA labatshova amabhayisikili elisemangweni wokusuka koBulawayo lisiya eHarare ngenyathelo lokukhankasela ukuvikelwa komkhuhlane we-Covid-19 kuleli.

Umkhankaso uqoqwe ngumsekeli kamphathi wezamabhizimusi kuHulumende uRaj Modi. Abatshovi bamabhayisikili laba bathole usekelo ngokuza komsekeli kaMongameli welizwe uCostantino Chiwengwa obaphendlele indlela beqala umango wabo ngempelaviki edluleyo.

Kungumbono kaModi ukuba umdlalo wamabhasikili ulamandla wokuthi usabalalise umbiko wokuqakatheka kokuvikela igcikwane lecoronavirus.

Uthe wonke umuntu uvunyelwe ukuphatheka kulumkhankaso.

“Injongo yethu ngeyokuthi sisebenzise umdlalo wenguqu ukuze sincede umphakathi azwisise ngomkhuhlane we-Covid-19. Kumele abantu bakithi baxwayiswe ngokuthi lumkhuhlane usakhona,” kutsho uModi.

Kubikwa abaqoqi balumkhankaso baphinde bathola usizo kumankampani athile, akubone kufanele ukuthi ancedise.

Abatshova amabhayisikili bakhangelelwe ukuthi bafike eHarare mhlaka 21 kuLwezi.

Kusenjalo, kubikwa liyanda inani labantu abangena emgwaqweni behlangana labatshova amabhayisikili kumadolobho asebedlule kuwo.

Share This:

Sponsored Links