Bayilinde ngabomvu iCarling Black Label

30 Jun, 2022 - 00:06 0 Views
Bayilinde ngabomvu iCarling Black Label

uMthunywa

Nkosilathi Sibanda
ABADLALI abazamela isabelo sakoBulawayo kumncintiswano we-Carling Black Label National Pool Championships babike ukuba bazimisele ukuthatha isicoco esiphezulu mhla bencintisana lentshantshu zakwezinye izabelo.

Umncintiswano lo uzaqhutshwa mhlaka 9 Ntulikazi edolobheni leHarare.

Ukuphenduka kwalumncintiswano kujabulise abadlali nanko bacina ukudlala ngomnyaka ka-2019 ngenxa yokuvalelwa yi-Covid-19.

Covid 19

Ukuze kukhethwe iqula lentshantshu zabadlali abazamela isabelo sakoBulawayo, kuncintisane abadlali abedlula ikhulu enkundleni zePalace Hotel, Skittle Inn, Nookies Bar leDawn Sports Bar.

Kuhlandla labomama abadlali abanqobileyo bazitholela ithuba lokuya esigodlweni nguRobin Nikiforos, Sithembiso Dive, Priscilla Chisoro loReya “Mai Chisamba” Chitokwane.

Laba ngomama abalodumo kwezobungcitshi etafuleni ye-pool njalo sebelesikhathi besemdlalweni. Kubobaba bekulomncintiswano onzima nanko kudonse isikhathi kudingwa labo abazangena umango besiyadlala lezinye intshantshu eHarare. Abadlali ababalisa uWryn “Ghost” Nhachi, Stephen “Vardy” Paswani, Clement “Kille”Gutse, Tafadzwa Mushangwe,  Nomara Chisuwa loHillary Mukamuri yibo abazadlalela isabelo.

Abadlali laba kukhangelelwe ukuthi bathole izicoco zaphezulu ngokutsho kuka-OsborneWells Dziko isikhulumi seBulawayo Pool Association (BPA).

Palace Hotel

“Amathemba ethu akubadlali laba abalitshumi abamela uBulawayo mhlaka 9 Ntulikazi eHarare. Ngokudlala abakwenzileyo, asithandabuzi lakancane ukuthi bazaphenduka ekhaya bethwele izicoco.”

UDziko, ophethe njalo isikhundla sokuba ngunobhala weBPA, utshele iphephandaba likazulu ukuthi loba okwakhathesi begxile kumncintiswano weCarling Black Label, umdlalo we-pool koBulawayo uzaqhubekela phambili kuqhutshwa eminye imincintiswano.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds