uMthunywa
Mandla Moyo
KUMIDLALO yeBulawayo Social Soccer League sekuvela ukuthi kulabagadli abaphiweyo enyaweni nanko liyakhuphuka inani lamabhola asehlohlwa kuligi le maviki wonke.
Lokhu kungumzekeliso wokuthi abadlali sebekubona ukuthi ukuhlohla yikho okwengeza amathuba okuqansa kweqembu kungalane yeligi le.
Kumidlalo edlalwe ngempelaviki edluleyo iqembu leSinyoka linqobe ele-BCT kabuhlungu lapho lihlohla amabhola ayisithupha emambuleni.
Yona iBCT loba nje isele ivuvuke ubuso layo iwatholile amabhola amane. Iqembu le-New Jack City lalo lisele libambe umlomo wangaphasi ngemva kokuvuka othulini kwaze kwaba kahlanu, ngesikhathi lidlala leqembu leBangane.
Ezinkulu eze-Old Timers zinqobe iCream Tata nge 6-2.
Omunye umdlalo okubonakale khona izimanga ngobuphakathi kweStars FC leZobha lapho iStars ehlohle khona amabhola ayisithupha emambuleni. IZobha ihlohle elilodwa kuphela.
Kusenjalo, imidlalo iyaqhubeka kumpelaviki ngokutsho komqondisi wezemidlalo kuBSSL, u-Adolf Jonga.
Impumela yimidlalo:
Group A: Iminyela Timers 2-1 Fund’kulinda, Brotherhood 0-1 Fireworks, Man U 4-0 Patapata, Makwee 3-2 70Combination, Edgars 2-3 Glenkara, Zulu Chiefs 3-6 Tigers, Cream Tata 2-6 Old Timers, Cowdray Masters 0-4 Mthala, Magwegwe Bullets 1-6 Vulavale, Stars FC 7-2 FC Pirates
Group B: Emganwini Legends 2-0 Santos, Delta 4-2 West Comm, Wembley 4-1 Pioneer, Mabuthweni 0-0 Bombers, Congo Chiefs 0-2 94Strivers, Khami 1-1 Gwabalanda, Ndola 3-1 Osiphatheleni, Robert Sinyoka 7-4 B.C.T, Pelandaba Legends 3-3 Nketa, Happy Valley 2-3 Hyde Park
Group C: Bangane 5-0 New Jack City, Nkulumane 3-0 Mex Mawaya (Walkover), Stars 6-0 Zobha, Real Magwegwe 3-2 South Gunners, Shwelele 5-2 CIWU Legends, Matshobane 1-0 Real Shwelele, Skippers 5-1 Luveve, Wolves 4-3 Siyabangena, Finance 2-3 Sekusile
