Bayathuthuka omama ngokulima

03 Oct, 2019 - 00:10 0 Views
Bayathuthuka  omama  ngokulima

uMthunywa

Wayne Ncube

OMAMA belokitshini leNketa sebesungule iphurojekithi yokuzithuthukisa ngezokulima ukuze benelise ukuziphilisa lezimuli zabo.

Iphurojekithi yeSiphephile Projects isungulwe ngomama beNketa 9 kuwonalo umnyaka ngenhloso yokuthi bafundisane ukulima kanye lokuzitholela inzuzo ngokuthengisa isivuno sabo.

Intatheli yephephandaba likazulu ikhulumisane lesikhulumi sephurojekithi yabomama le, uNkosazana Zanele Mlilo oveze ukuthi baqala inhlanganiso le besenzela ukukhuthaza omama ukuthi bengahlali phansi belindele ukuphiwa imali kodwa bangalima ukuze bathole imali.

“Sithanda ukukhuthaza omama emalokitshini wonke jikelele ukuthi baqale amaphurojekithi okulima. Sesibhode emalokitshini afana leNketa, Mganwini kanye leMbundane sifundisa omama ngendlela zokulima eziphathelane lembhida yonke nje.

“Silima izilimo ezigoqela i-beetroot, imiqwente, amatamatisi, lehanyanisi sithengisa njalo omama abanengi lapha sebesenelisa ukondla izimuli zabo,” kutsho uNkszn Mlilo.

Uqhubekele phambili esithi baqhubekela phambili bedinga indawo zokulima ukuze kukhanye lapho inhlanganiso eya khona.

“ISiphephile iqale kuwonalo umnyaka kodwa sikhangelele ukuthi kumnyaka ozayo iphurojekithi yethu ibe isilezivande ezedlula itshumi. Le kuyindlela yokuthuthukisa omama emalokitshini wonke akoBulawayo.

“Sithanda ukubonga abaphathi besigaba sethu abavumela ukuqala iphurojekithi,” kuphetha uNkszn Mlilo.

Uphethe ngokukhuthaza omama ukuthi bakhulumisane leziphathamandla ezindaweni zabo banikwe indawo  zokulimela ukuze bazitshayele imali enhle ngokulima.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds