uMthunywa
Ethel Ncube
BAKHALA ezimathonsi omama ababethele ezikolo bekuquarantine edolobheni kePlumtree ngemva kokuba omunye wabomama umntwana ewele inkanda bekuquarantine.
Kuvele ukuba kulabomama abathathu abavela eBotswana emavikini adlulileyo ade bezithwele abathe befika kwelaleli babeletha bathi bephuma esibhedlela babuyiselwa ezikolo labantwana abancane.
UMthunywa uxhumane lomuny e wabomama abahlala lalabo ababelethile unkosazana Lettin Sibanda oveze ukuba abantu bathwala imithi enzima ensinda abantwana.
“Abantwana abasanda kubelethwa ngesiko akumelanga bahlangane labanye abantu abanengi. Khathesi omama laba balamalanga bebelethile behlala lapha abantwana sebeze bawa lenkaba belapha.
“Omunye umama umntwana ucine ewela inkanda wathwalwa wasiwa esibhedlela baphinda bamphendukisa futhi lapha. Lapha nxa kugezwa ubona abantu belentebe eziphefumalayo pho umntwana angasila khonapho ngitsho.
Ababelethileyo kababazwele babahlole bayemakhaya abantwana bayekwetheswa inkanda” kutsho unkzn Sibanda
Ekhuluma lentatheli umama olomntwana owele inkanda obebihla ezimathonsi uveze ukudana kakhulu,
“Angibuqhuthi ubuthongo ngilapha ngomntanami ukhala njalonje benginanzeleli ukuthi inkanda isiwele ngaboniswa ngomunye.
Sengilamanga ngibelethile umntwana kaketheswa inkanda njalo sihlala sibanengi abanye bayathwala okusinda abantwana. Ngikhuluma kanje esibhedlela bangikhuphile ngisebantwini abanengi.” kubika umama.
Intatheli iphinde yakhulumisana lomeli wedale lephalamende esabelweni sePlumtree njalo elilunga letaskforce kuCovid 19 ochaze ukuba udaba olunjalo kalwazi.
