Uncategorized

Batshise imizi (3) obengcwatshwa etholwa engela maphambili

15 Aug, 2019 - 00:08 0 Views
Batshise imizi (3) obengcwatshwa  etholwa engela maphambili

uMthunywa

UVUKE umbhejazane watshisa imizi emithathu umphakathi weBlinkwater eSouth Africa ngesikhathi kutholwa ukuthi utshumpulwe amaphambili owesilisa wakulindawo obengcwatshwa.

UMnumzana James Makhubele (69) obekufanele angcwatshwe ngeSonto endaweni le engaphandle kweGiyani eLimpopo, utholwe engelawo amaphambili ngesikhathi amalunga omdeni ehlola isidumbu sakhe ngaphambi komngcwabo.

UMakhubele watholwa edindilize emgwaqweni, kwasolakala ukuthi watshaywa yimota yabaleka mhlaka-3 Ncwabakazi.

Ngemva kokuthola ukuthi watshumpulwa amaphambili, umdeni ube ususola ukuthi uMakhubele ubulawele ukwenza umuthi, isidumbu sase silahlwa emgwaqweni ukuze kudukiswe umkhondo.

Amalunga omphakathi abehambele umngcwabo wakhe adinwe agana unwabu aze atshisa imizi emithathu yabasolwa
“ekubulaweni” kwakhe.

Ngokombiko weSowetan, okhulumela amaphoyisa uColonel Moatshe Ngoepe uthe, kuzokwenziwa uhlolo lwesidumbu lwesibili. Elinye ipholisa elingagunyaziwe ukukhuluma labezindaba liveze ukuthi ukuhlolwa kwesidumbu kokuqala akuvezanga ukuthi kungabe kukhona izicubu zomzimba ezicuyiweyo.

Nyakenye owesilisa oleminyaka engu-55 watholwa edindilize egangeni elamanxeba okugwazwa lamaphambili akhe equnyiwe endaweni yeMagatle ngaphandle kweLebowakgomo. NgoZibandlela lonyaka kwabotshwa owesilisa oleminyaka engu-27 ngalelicala. — Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds