Uncategorized

Batshaywa ngumbane kufe oyedwa becatshele izulu etendeni

24 Oct, 2019 - 00:10 0 Views
Batshaywa ngumbane kufe oyedwa becatshele izulu etendeni

uMthunywa

Thokozile Mbedzi

KULOJAHA oleminyaka yokuzalwa engu-19 otshaywe ngumbane ngesikhathi ecatshele izulu ngaphansi kwetende labanye bakhe eNhlangamweni Live Block eColleen Bawn ngeviki ephelileyo.

Kubikwa uAkhona Ncube utshaywe ngumbane elabangane bakhe uDzingirayi Ndlovu oleminyaka engu-30 loAlpha Nkala oleminyaka engu-19 ngesikhathi becatshele izulu.

Ekhuluma lentatheli omunye walabo ababekhona uMnumzana Kwanele Sibanda uveze ukuthi kubazwise ubuhlungu ukubona lokhu kusenzakala ngoba bona babengacabangeli ukuthi ilanga lingatshona sebethwele indaba elusizi kangaka kodwa labo babesetendeni lapho umfana lo ayecatshe khona laye. 

“Lathi sasicatshele izulu njengansuku zonke etendeni lethu lapho esezwa ukuduma okwesabekayo satshwaqa imizimba kanti ilanga lisiphathele usizi, ngemva kwesikhatshana sabona abafana sebewele phansi uDzingirayi loAlpha babesaphefumula sazama ukubasiza baphaphama kodwa uAkhona kwehlula ngoba wayelimele kabuhlungu.

“Sidabukile silapha ngomonakalo lo njalo ngethemba abanye bakhe bazathola ukuphathiseka emtholampilo baphile,” kulandisa uMnu Sibanda.

Omunye njalo walabo ababekhona uNkosazana Silindusuku Ngwenya uveze ukuthi abakubonayo kwabephula umoya njalo kukhanya kuvele umbane ubulenhloso yawo ngoba abantu sokuleminyaka behlala ematendeni la akukaze kube lolutho.

“Mina ngokubona kwami kukhanya kuvele umbane lowu ubule nhloso yawo ngoba lokhe sahlalayo lapha akukaze kwenzakale lokhu, abantu bahlala ematendeni kodwa akukaze kube lolutho olubi. 

“Okunye okusimangalisayo yikuthi abanye bonke baphephile kodwa yena kwahle kwamdobha eyedwa njalo enguye omncane kubo bonke. Kwesinye isikhathi abanye bangabona umuntu osebenzayo bayaba lomhawu bamenzele umona. Sihle sabikela amapholisa ngomonakalo lo,” kutsho uNkszn Ngwenya.

Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uvumile wathi udaba lomfana otshaywe ngumbane solufikile ehofisini labo.

“Udaba lomfana otshaywe ngumbane solufikile ehofisini lethu njalo uzulu uyaxwayiswa ukuba angabo catsha ngaphansi kwezihlahla loba ukuba sendaweni eziligceke. Abasebenzisa imitshina yamagetsi kumele bame ukuyisebenzisa imitshina le ngesikhathi izulu lisina ngoba bangangena engozini efanana lale,” kuphetha uInsp Mangena.     

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds