Uncategorized

Bathumba uDr Khokhovula bamtshontshele R3 million

27 Apr, 2023 - 00:04 0 Views
Bathumba uDr Khokhovula bamtshontshele R3 million

uMthunywa

Yintatheli kaMthunywa

KULESANGOMA sakuleli esidumileyo elizweni leSouth Africa okubikwa sithunjwe yimigulukudu ebiphethe amaAK47 qede satshontshelwa imali engangeR3 million.

Isehlakalo lesi senzakale elizweni leSouth Africa ensukwini ezisanda kwedlula, lapho uMnumzana Lenn Morton Ndebele ahlaselwe ngabantu ngemva kokuba bezenze abasebenza emsakazweni kanti yindlela yokumthumba lokuzama ukumbulala.

Kubikwa ngesikhathi abantu laba belaye babemlaya ukuthi athumele izimali kumabhuku ebhanga ehlukeneyo bemkhombe ngombhobho.

Intatheli ikhulumisane loMnu Ndebele ozibiza ngokuthi Dr Khokhovula uveze ukuba wasinda ekufeni loba igama lakhe langcoliswa ngoba labobantu bathi athi uyinyanga yamanga.

“Ngilesithuli ngalokhu okwenzakala kimi. Okunakanelwa ukuba angabe nguye owangenza isihluku lesi ngumuntu wekhaya. Ngafonelwa kungathi nginxuswa emsakazweni ukuzokhuluma labalandeli bami ngingazi ukuthi lelolanga ngizatshona sengithwalelwe amaAK47.

“Ngathi ngifika lapho okwakuthiwe sihlangane khona ngabona kuthutsha amadoda ethwele imibhobho emine.

“Kangizange ngizwisise ukuthi kungani abemsakazweni sebebuya bephethe izibhamu kodwa ngahle ngayifunda ivaliwe ukuthi sekutsheke ibhetshu. Bangibamba bangingenisa emoteni, sisendleleni bathi ngenze ama-transfer emali edlula R3 million, ngokwesabela impilo yami lemuli yami ngaphangisa ngenza njengokutsho kwabo,” kulandisa uDkt uKhokhovula.

Uqhubekele phambili eveza ukuba ngesikhathi bemthumbile kwakunzima,“Babethi bangathi ngithumele imali endaweni ethile bangitshele ukuthi nxa ngingekela ukwenza lokhu bazabulala imuli yami ngihle ngiphangise ngenze njengokutsho kwabo.

“Baphinda bathatha i-video besithi ngitshele abantu ukuthi ngiyisangoma samanga. Ngifisa ukukuqondisa lokhu, ngangisesabela impilo yami kuthathwa i-video le.

“Lokhu ngincedisa abantu abalenhlupho ezitshiyeneyo. Abafuna usizo ngiseZimbabwe lezinsuku ngemva kokuba amapholisa ethe ngiphenduke ekhaya ukuze ngiphephe ngesikhathi bechwayisisa,” kutsho uKhokhovula.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds