Banini ngamalunga eZFU balimi

08 Aug, 2019 - 00:08 0 Views
Banini ngamalunga  eZFU balimi

uMthunywa

Wayne Ncube

ABALIMI sebekhuthazwe ukuthi babe ngamalunga enhlanganiso yeZimbabwe Farmers’ Union (ZFU) ukuze bafinyelele ulwazi ngezokufuya, ezokulima kanye lemkambo yokuthengisa isivuno sabo.

UNkosazana Thandekile Moyo onguMgcinisihlalo weZimbabwe Farmers’  Union esabelweni seMatabeleland South uthe kulenzuzo ukuba lilunga lenhlanganiso  yabalimi.

“Abalimi abangamalunga eZFU balenzuzo efana lokuthola inhlanyelo etshiphileyo. Nxa usiyathenga inhlanyelo ungakhipha ikhadi elitshengisela ukuthi ulilunga lenhlanganiso le kwenza athole i-discount ezitolo.

“Umlimi uyafundiswa indlela zokulima, njalo lokuthi ulima ngasiphi isikhathi izilimo ezehlukeneyo kuhlangene lokufuya.”

Ekhuluma uNkosazana Thandekile Moyo ongumpathi wenhlanganiso yeZFU eMatabeleland South uthe abalimi abasakhulayo labo bengaba lenzunzo nxa bengahlanganyela kunhlangiso yeZFU.

“IZFU ifuna ukufundisa osomabhizimusi abasakhulayo ngaphansi kohlelo lwe-Agric-Talks eyiyo ezathuthukisa abasakhulayo kwezokulima.

“Ngaloluhlelo siqophe ukuthi abasakhulayo bathole ulwazi ngezokulima njalo benelise ukuba ngosomabhizimusi abakhulu kungakho-ke sibakhuthaza ukuthi babe ngamalunga eZFU,” kutsho uNkszn Moyo.

Ukuba lilunga le ZFU yi$10 abalimi bomphakathi, le$25 abalimi bezokuthengisa, le$50 abalimi abakhulu bezokuthengisa. 

Share This:

Sponsored Links