uMthunywa
Mandla Moyo
ILIGI yeBulawayo Social Soccer (BSSL) iqhubekela phambili ngokuthokozisa abalandeli bayo ngokuba phakululela imidlalo ejabulisayo maviki onke.
Kumpelaviki ezayo ikhona njalo imidlalo. Njengenjwayelo, iqala ngehola letshumi lasitshiya galolunye ekuseni.
Amehlo wonke ayabe ethe mpo kumaqembu ayiwo aphezulu kumaqula amathathu. Elinye lamaqembu la yiStars FC elizadibana leMakwe enkundleni yelokitshi leMinyela, elidume ngokutshi kuseNumber One.
Ekhulama lephephandaba likazulu unobhala jikelele Stars FC League uLinda Bhebhe uthe amalungeselelo abo ahamba kuhle.
“Konke kuhamba ngendlela nje, lina intathelizindaba lezitha zethu enkundleni, yini elaqala ukusipha ingqobe ngokuthi iStars FC seyaphela.
“Sifuna ukubonisa bonke abalombono onjengalowo ukuthi cha, sisakhona njalo kasiyindawo, kusazobamnandi okwamampela. Sizakhanya sibili njengenkanyezi le esiyiyo yona,” kutsho uBhebhe.
Uphinde wathi njenge Stars FC yonke imidlalo kibo iyafana, ngakho balungiselela okufanayo.
“Wonke umdlalo siwuthatha ngengqondo nje efanayo. Sifuna ukuyavuna imklomelo kuphela kukanti laba esilabo liviki balesikhwili somnyaka odluleyo abasithathela inkomitsho khona, yikho ke ngisithi azikhale.”
