Bakhuthe ugatsha abafana… uBallance ubegula

16 Feb, 2023 - 00:02 0 Views
Bakhuthe ugatsha abafana… uBallance ubegula uGary Ballance

uMthunywa

Brandon Moyo

IQEMBU leZimbabwe Cricket licine lisehluleka ukuthi liqhubeke ngomkhuba walo wokudlala kuhle, nanko lijikele ithawulo ekucineni kumdlalo wesibili weTest, leqembu leWest Indies.

AmaChevrons anqotshwe ngama-runs amane le-innings ngoLwesibili, kwadana abalandeli abakade belindele ukuthi kube lempumela engcono.
IZimbabwe yehluleke ukuvikela impumela yayo yomdlalo wakuqala lapho eyaqeda ingutshiki lobhanqa le-Windies.
IWest Indies ithethe inkezo ngempumela ye 1-0.

Kuminyaka edlulileyo amaChevrons abelenkinga yokudlala kuhle umdlalo owodwa, owomhlobo weTest, kodwa avuke khwatshu esemelane le-West Indies.
I-West Indies yayicine ukudlala leZimbabwe kuTest ngomnyaka ka 2017 lapho eyanqoba khona nge 1-0. Emdlalweni wokuqala iZimbabwe yanqotshwa ngama- runs angu-117 ngemva kokungenzi kahle kodwa emdlalweni wesibili badlala kuhle kwaswelakala intshantshu.

uGary Ballance

Kulumqhudelwano osanda kuphela, kuqula leZimbabwe kuphakame Garry Ballance loBrandon Mavuta abanceda ukuthi iqembu linganqotshwa kakhulu. UBallance watshaya ama-runs angu 137 engakhitshwanga. UMavuta watshaya angu-56 wathatha lama-wickets amahlanu.

Kodwa-ke emdlalweni wesibili okade ungowokucina, uBallance kadlalanga ngoba ubegula.
Ama-Chevrons akhitshwe ngama-runs angu-115 nje kuphela kuma-innings yokuqala, kweyesibili batshaya 173 kuphela ngemva kokuba i-Windies yenze ama-runs angu-292.

Abadlali abathathu beZimbabwe yibo bodwa abenelise ukutshaya ama-runs azwayo, ukaputeni u-Craig Ervine uthole ama-runs angu-72, uInnocent Kaia wathola angu- 43, kwathi uMavuta wafaka angu-16 lapho iqembu labo elidlale kubi khona.

UErvine uthe baphoxekile ngokwehluleka ukunqoba kumdlalo ophelileyo.

Share This:

Sponsored Links

Survey


We value your opinion! Take a moment to complete our survey

This will close in 20 seconds