Bakhathazekile abalandeli bethimu yezwe lonke . . . Qina Madinda Ndlovu

26 Sep, 2019 - 00:09 0 Views
Bakhathazekile abalandeli bethimu yezwe lonke . . . Qina Madinda Ndlovu

uMthunywa

Wayne Ncube

UMADINDA Ndlovu ungumqeqetshi olokhe ethandwa kakhulu ngabalandeli beqembu leHighlanders nanko phela abalandeli “bethimu yezwe lonke” sebebike ukuba bakhathazekile ngokugula kwakhe.

UNdlovu utshiye iHighlanders ngoNtulikazi lonyaka eqonde kuGaborone United lapho afika wagula kungela sikhathi eside eqale umsebenzi.

Lumqeqetshi usesibhedlela kwele-Botswana.

Kusukela ngempelaviki, bakhona abagcwalise ebulenjini beWhatsApp leFacbook umbiko wokuthi uNdlovu usetshonile.

Kodwa ngokudingisisa kwephephandaba likazulu emulini yakoNdlovu kuvele ukuthi lumqeqetshi ungaphansi kwezandla zamadokotela njalo usesizwa ngcono emzimbeni.

“UMadinda usesibhedlela, ulokhu ekhangelwe ngodokotela. Okukhulunywa ngabantu ngamanga. Kulihlazo ukuzwa into enje,” kutsho ilunga lemuli yakoNdlovu.

NgoLwesibili, inkokheli yeqembu leGaborone United uThapelo Mothusi ongumaneja omkhulu utshele intatheli eBotswana ukuthi uNdlovu usaphila.

Abalandeli beBosso abakhulume loMthunywa bathe bakhathazekile ngokubikwa kokuthi uNdlovu usedlule.

Kumbiko esabalale ebulenjini, ingatsha zabalandeli beBosso zigcone bonke abafisela lumqeqetshi okubi.

Abalandeli bame baqonda betshengisa ukukhathazeka ngokuzwa imilayezo le kubomakhalekhukhwini.

“Uyaphila njalo uyaqina insuku lensuku esesibhedlela, imilayezo yokuswelakala kwakhe ingamanga,” kutsho uBoitumelo Nsunge oweGaborone United.

UMadinda lokhe esesibhedlela kusukela ukuqala kwalinyanga ngemva kokutshaywa yi-stroke lapho okwabikwa ukuthi kwakuligazi elinqumileyo emzimbeni.

Ukuba ngumuntu wabantu kwenze uMadinda wathola lonke uthando ebantwini abanengi ngakho babhale kuma-social media ukuthi bamfisela impilo ende, alulame ngesiphangiphangi bayamdinga.

“Ungumdlali, abengumqeqetshi osiphe udumo olukhulu ikakhulu thina abakoBulawayo, ngakho simfisela okuhle ukuthi aphole ngokuphangisa.”

“Bekunzima ukuhlaliseka kwethu nxa silokhe sisizwa ukuthi uMadinda usitshiyile ngakho sithe sisiba lolwazi lokuthi usakhona emhlabeni sithanda ukubonga iNkosi njalo silethemba uyalwa lapho akhona aphume esibhedlela,” kuchaze omunye wabalandeli uPrince Masuku lapho aveze uthando lwakhe kuMadinda.

Abalandeli beBosso labeGaborone United baveze ukuthi bamfisela okuhle ngemilayezo lezipho ezifike esibhedlela seBotswana Private Hospital.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds