Innocent Kurira
UPHENDUKE, watshintshela kugiya eliphezulu umgubho wosuku lweNational Defence Forces Day kubathandi bezemidlalo nanko bekulemidlalo yebhola lenyawo lokuqaga enkundleni yeWhite City koBulawayo.
Imidlalo le iqhutshwe ngemva kokuqhutshwa kwembukiso ye-Defence Forces ngoLwesibili. Kudibene amaqembu amabili enguqu akhethwe kumaqula ebutho, eleNdlovu Iyanyathela le-Ostritch Queens.
Kumdlalo wokuqaga kuncintisane iqembu amapholisa lelinye elamabutho, eleZRP Bulawayo Province leZDF Queens.
Amaqembu la ajabulise inkulungwane zabantu ezichithe ilanga lonke zilinde ukubukela imidlalo le.
Abathandi bezemidlalo bazithole sebephambana nanko phela bebengasazi ukuthi babukele wuphi umdlalo phakathi kwenguqu lowokuqaga.
Kumdlalo wokuqaga, iZRP Bulawayo Province inqobe iZDF Queens nge 15-37 ukuze inqobe kulumncintiswano.
Ukaputeni weZRP Bulawayo Province uSifiso Nyoni uveze ukuba ukunqoba kwabo kuphendukise ukuzethemba kubadlali.
“Siyajabula ngokunqoba kumqhudelwano we-Defence Forces Day. Okusikhukhumezayo yikuthi njengabadlali siyaziqhenya ngokunqoba amasotsha. Lo bekungumdlalo omkhulu odlalwe ngekhefu eliqakatheke kakhulu kumbali yelizwe. Ngakho-ke kubalulekile ukuthi sinqobile,” kutsho uNyoni.
Enkundleni kanobhutshuzwayo Indlovu Iyanyathela idle i-Ostrich FC nge 2-1. Zombili lezi ngamaqembu ebutho. Indlovu Iyanyathela idlala kuligi yeZifa Division One kulumhlubulo welizwe, kuthi iOstrich liqembu lenguqu yobungane.
Imvuzo yemendulo eziphiwe abanqobi ivele kukhansila kuWellington Chinembiri, ofuna ukuvotelwa ukuba ngukhansila kuWard 3 koBulawayo ngaphansi kwebandla leZanu-PF.
