Ayitshe maWarriors, ayitshe!

07 Jun, 2018 - 00:06 0 Views
Ayitshe maWarriors, ayitshe!

uMthunywa

ASENGENILE emsindweni wokubuyisela inkezo yeCosafa ekhaya amaWarriors nanko aseduzane lokubizwa njengentshantshu kuzwa zomdlalo webhola lenyawo kumhlubulo ongezansi yeAfrica.

Isizwe seZimbabwe sizitshengisele emphakathini obuthene esabelweni seLimpopo, eSouth Africa ukuthi ligcwele ithalenta likanobhutshuzwayo.

AmaWarriors abuse phezulu kwamaqembu alitshumi lane ancintise lonyaka.

Umqeqetshi wamaWarriors uSunday Chidzambwa ubikele intatheli ukuba kuzakuba nzima kuye ukuphenduka ekhaya engela nkomitsho. Ekhuluma loMthunywa esebulenjini kuliviki uChidzambwa ubike ukuba ithimu yakhe izaphuma iphethe inkezo. Umqeqetshi lo uthe umncintiswano ubunzima ngakho kumbonise amaphutha akhe.

“Ngize kumncintiswano ngijonge impumelelo. Kuyikufuna kwamathimu wonke ukuphakamisa inkezo le. Abadlali bethu baphethe ithemba lelizwe elokuthi igcine ekhaya inkezo.

Kusenjalo, yizililo zodwa kuBafana Bafana kulandela ukudliwa kwayo yiMadagascar leNamibia. Umqeqetshi walithimu uStuart Baxter uvikele abadlali bakhe wathi basakhula emdlalweni.

UBaxter ubekhethe abadlali abancinyane, inengi ebelichinsa ukudlalela isizwe seSouth Africa.

Ngaphansi ngamabizo abadlali abalolonga ezandleni zikaChidzambwa:

Onozinti: George Chigova (Polokwane City), Edmore Sibanda (Witbank Spurs), Donovan Bernard (Ngezi Platinum Stars), Chang Mariyoni (Triangle).

Imvimbi: Alec Mudimu (CEFN Druids), Teenage Hadebe (Kaizer Chiefs), Kelvin Moyo (FC Platinum), Byron Madzokere (Yadah Stars), Liberty Chakoroma (Ngezi Platinum Stars), Tendayi Darikwa (Nottingham Forest), Jameson Mukombwe (FC Platinum), Takudzwa, Chimwemwe (Harare City), Costa Nhamoinesu (AC Sparta Prague), Ronald Pfumbidzai (Bloemfontein Celtic), Honest Moyo (Highlanders), Adam Chicksen

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds