uMthunywa
Ethel Ncube
IQEMBU leNsindiso yamaNazaretha lokhe lisawuqhunsa umculo koBulawayo nanko phela lokhe lihlabela eduze leGodini.
UMthunywa uxhumane lomkhokheli waleliqembu uNkosazana Thabiso Moyo oveze ukuba iqembu lakhe lokhe lisaphila koBulawayo njalo lilokhu licula umculo we-gospel.
Ekhuluma lentatheli uNkosazana Thabiso Moyo uveze ukuba lokhu beqhubeka ngomculo wezokholo.
“Iqembu lethu leli saliqala ngomnyaka ka2019 sikhonapha koNtuthu njalo silokhu silapha sihlabela, asikayindawo.
“Silamadlalade amane abalisa elithi Sizowela Kanjani elilengoma eziyi 9 kuthi elesibili libizwa Ngicela Ukuvuma elilengoma ezingu-12, elesithathu ngelithi Wethembekile elilengoma eziyi12 kuthi elokucina Sekuyabonakala, lilengoma eziyi-12 lazo.
iNsindiso yamaNazaretha
“Iqembu leli lilabomama abayisikhombisa ababalisa uThabiso Moyo, Princess Hluphe, Nozithelo Maphosa, Elizabeth Maphosa, Martha Moyo, Bridget Moyo kanye loAwakhiwe Ndiweni. Umculo wethu uhlatshelwa khonapha koBulawayo, yikho esitholakala khona,” kubika uThabiso.
“Esithanda uzulu akwazi yikuthi silokhu sisaqhunsa njengakudala njalo sidinga usekelo lwabantu bakithi.
“Sitholakala endaweni zeGodini sihlabela umculo wethu njalo siyabe silawo amaCD ethu esiwathengisayo.
“Umculo wethu uyakhula nsuku zonke njalo lakumisakazo uyatshaywa.
“Osokusele khathesi yikuthi lathi sikhethwe kuma awards, mhlawumbe lathi singazithola indondo. Asikaze sithole isicoco lokhe saqalayo ukuhlabela kodwa siyethemba singabahlabeleli abaziyo ukuhlabela kulumhlubulo welizwe.
“Sithanda ukwazisa njalo uzulu ukuthi sisesekhona njalo angadinwa ngokusixhasa,” kuphetha uThabiso.
