Ayahlasela kuCosafa amaWarriors

23 May, 2019 - 00:05 0 Views
Ayahlasela kuCosafa amaWarriors uWellington Mpandare

uMthunywa

KULIMPELAVIKI kuvulwa inkundla ze-Durban kumdlalo wenguqu kunkezo yeCosafa.

IZimbabwe izabonakala enkundleni ye-Princess Magogo ngeviki elizayo njengoba iqalisela kuhlandla lama-quarter finals lapho ezadibana khona lesizwe esizaphetha sinqobile kuqula lika-A elilamaqembu abalisa iMauritius, eSwatini leComoros.

Umqhudelwano weCosafa uzasetshenziswa njengesibonelo sokuqina kwamaqembu azakuya kumidlalo yenkezo ye-Africa Cup of Nations ozaqhutshwa ngenyanga ezayo eGipite.

Umaneja wamaWarriors uWellington Mpandare utshele iphephandaba likazulu ukuba imidlalo yabo kuCosafa izakuba lithuba lokuthi abaqeqetshi belungisise iqembu andubana liye ku-Afcon.

Abaqeqetshi bamaWarriors, bekhokhelwa nguSunday Chidzambwa bakhuphe uluhlu lwabadlali abafika amatshumi amathathu lane lapho abazakhetha khona ingcitshi abalethemba lokuthi bazadlala ngokuzimisela.

“AmaWarriors aselungiselele ukuya eSouth Africa kumqhudelwano weCosafa. Sizadlala sikhangelele ukuthi siphendukise inkezo le. Imidlalo yeCosafa izabaluleka eqenjini ngoba yikho lapho abaqeqetshi abazabona ukuqina kwabadlali bakuleli, abazathola ithuba lokungena eqenjini elizadlala ku-Afcon. Inkezo yeCosafa asiyithathi kancane ngoba kunguqu yonke imidlalo iqakathekile,” kutsho uMpandare.

AmaWarriors elungiselele ukuya eSouth Africa kumqhudelwano weCosafa

Umaneja lo uthe umqeqetshi uChidzambwa ulethemba kubadlali abakhethileyo ukuthi bayengqikilana lezinye ezikumhlubulo ongezansi ye-Africa.

Ngokuhlolisisa isimo sabadlali laba, kusobala ukuthi uChidzambwa usuthisekile ngokudlala kakuhle abakwenzayo kumaqembu abo.

Ekhuluma kabanzi ngabadlali, uMpandare uthe asikho isidingo sokuba ayitshintshe ithimu yakhe kumidlalo ezayo. 

“Laba abadlali yibo abathenjiweyo ukuthi bazasifikisa ku-final yeCosafa. Babalelwa kuqula lenengi labadlali esilabo kuligi yethu laphetsheya abenza kuhle kakhulu. Ungalandela lapho abaphuma khona, abadlali laba badlala into encomekayo. 

“Asikho isidingo sokuyitshintsha ithimu le. Kwesinye isikhathi umqeqetshi kumele avume ukuthi abadlali bakhe bazimisele,” kutsho lumaneja.

Kusenjalo, inhlanganiso yeZimbabwe Football Association ibike ukuba izakwenza konke okusemandleni ayo ukuthi abadlali bathole iholo elingcono ku-Cosafa laku-Afcon.

UXolisani Gwesela isikhulumi seZifa, kungxoxo abelayo loMthunywa kuliviki ubike ukuba akusoke kubelenkinga kumali yokubonga abadlali.

“Siphezulu kokulungisisa konke okumayelana lempilakahle yabadlali,” nguGwesela lo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds