Asithuthukiseni ulimi lwethu

19 Mar, 2020 - 00:03 0 Views
Asithuthukiseni  ulimi lwethu

uMthunywa

UMBHALO wenkondlo yingxenye yomhloliso emfundweni ephezulu. Inkondlo ngumbhalo onambitheka okwamagama njengoba uqukethe ulimi olujulileyo. Imbongi ziloba ngolimi olulohlonzi, okwenza inkondlo ikhwabitheke. Akesikhangele izihloko ezithile ezimqoka nxa kukhangelwa umbhalo wenkondlo.

1. Indikimba yenkondlo le yindaba yenkondlo, lapha kudingeka ukuthi unanzelele umnkantsho wenkondlo. Lapha kukhangelwa khonokho kanye imbongi ekhuluma ngakho njengoba kunjalo, lapha kudingeka ulandise lokho okubhaliweyo hatshi ukuthi imbongi ingabe izama ukuthini.

2. Injongo/inhloso isihloko lesi yiso esidinga ukuthi sixoxe ngembono esilayo sizikisa imicabango sikhangela inkondlo ngelihlo elijulileyo kulalelo esilisebenzisa nxa sikhangela indikimba yenkondlo. Kuqakathekile ukwazi ukuthi lapho kukhangelwa injongo imibono iyatshiyana, enye inkondlo ingaba lenjongo eyodwa emqoka kumbe zibe nengi. Okunye njalo akulandiswa kumbe lokho imbongi ekulandisayo kodwa kudingwa isizatho esenze imbongi yaze yalandisa lokho ekulandisayo. Lapha njalo sizibuza ukuthi ngemva kokufunda inkondlo le kukhona na inguquko kithi kumbe kukhona okwenzakalayo emibonweni yethu. Imbongi-ke ziyabhala izinkondlo ezitshiyeneyo zilenhloso ethile, zikhangelele ukuthi ziveze injongo ezitshiyeneyo; kungaba yikulandisa, ukukhuthaza, ukulimukisa, njalonjalo

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds