uMthunywa
Okhokho bethu babengalazo inkombalanga njengoba sesilazo kulezinsuku. Lokho akuzange kubenqabele ukwazi isikhathi, babesazi njalo bahlele izinto zabo ngesikhathi. Nanzi-ke izikhathi ababezisebenzisa lathi esilakho ukuzisebenzisa.
Isikhathi kukhangelwa ilanga
i. Empondo zankomo
Lapha-ke kusekuseni kakhulu kungakhanyi, nxa ukhangela esibayeni ubona impondo zenkomo zimhlotshana zona inkomo zingakhanyi.
ii. Ilanga litshona
Kutshiwo lapho ilanga lisithi catsha liyimbumbuluza ebomvu.
iii. Imini enkulu
Isithunzi somuntu sesimi saqonda mpo, ikhanda libesezinyaweni zakhe.
iv. Emabuya nkomo
Yisikhathi esingemva kwemini enkulu inkomo sezivela chaka zizesengwa.
v. Selibantu bahle/ selisiya ngomtsha wendoda
Lapha sekuntambama ilanga selibanga ukuyatshona selikhanya ngezikhala zezihlahla.
vi. Selimathunzi
Ilanga liyabe selibomvu selifuna ukuthi qobhi kunina.
vii. Sekuluvilibana/ sekunqunda amehlo
Ilanga selitshonile into ebucwadlana isiqala ukuthi ingakhanyi kuhle.
viii. Kusihlwa
Kuyabe sekumnyama. Yisikhathi okudliwa ngaso kusiyafika isikhathi sokulala.
