uMthunywa
Siqedise inkulumo ezikileyo eyasilela kuviki edluleyo.
k. Libalele ngitsho lasebukhweni bezinja
libalele litshisa bhe, akula ngitsho leyezi elilodwa
l. Isilonda sisola imbilaphi
Lapho olecala eselinindela komunye
m. Ugandwa yini lenyoka zingaselamazinyo
Angasake afe ngiswela lokuthi angabulawa yini
n. Uzalumela ngokhuni
Ngumuntu ozathwala nzima ahlupheke
Kumsebenzi waleliviki bafundi akesikhumbuzane kumbe sazisane ukuthi izinto ezithile ezemvelo ezibizwa ngamagama alandelayo siyazazi na.
Ezinye zakhona singahlangana lazo endle, ezinye siyazisebenzisa kukanti sesizazi ngamagama okwebolekwa, kukanti zilawo awethu esiNtu.
a. Umchapho
b. Umxhopho
c. Igumbi
d. Ingqulwane
e. Umkhongi
f. Ikhaba
g. Indandatho
h. Ubukhwele
i. Iwisa
j. Isixhokolo