uMthunywa
SESILUNGISELELA ukubhala imihloliso sizama ngamandla wonke ukuthi konke bafundi ebesixoxisana ngakho kuphephandaba likazulu kungene kugxile engqondweni zenu.
Inkondlo ngeyinye ingxenye etshayisa abafundi ngekhanda umfundi asuke nje azethese ubunzima obungekho ngokuthi nje tshazi ugwalo oluthi “Ugqozi Lwezimbongi” silengxenye ehluza inkondlo lezi kuphephandaba likazulu okwenza kubelula kumfundi.
Izixwayiso ongazithatha yikunanzelela ukuphendula imibuzo yenkondlo le, okokuqala nanzelela ukuthi inkondlo ngumbhalo ojonge ukukhwezela ukumemetheka kwendikimba ethile lokuthi oyilobayo athole izifundo kuyo ngendlela ehlabusayo.
Imibuzo yenkondlo ijonge ukugubha ububanzi bokuzwisisa komfundi hatshi ukuthi ubeyazi nje kuphela ngamabala.
Njengabafundi ekulandeleni kwethu ukuhluzwa kwengwalo sinanzelela imibuzo yonke igoqelwa kokulandelayo.
a. Ngekabani inkondlo, isihloko sayo?
b. Okumunyethweyo.
c. Ulimi lwembongi.
d. Ukuqubuka kwemizwa.
e. Injongo yembongi.
f. Izifundo.
Ngeviki enye nje sizanika abafundi ithuba lokuzihluzela inkondlo betshengisa izinga asebekulo lalokho asebekubambe bakuzwisisa ngokuhluzwa kwenkondlo.
Bekuqondiswa abafundi njalo yibo abazilethela impawu eziqakathekileyo okumele umhlolwa angene elazo endlini yomhloliso.
