uMthunywa
NGEVIKI edluleyo sixoxe ngento ezehlukeneyo esijayele ukuzichaza ngobuyizo bazo kumbe ngokusebenza kwazo, singazibizi ngamagama azo amqoka. Nanzi ezinye impendulo obungaphuma lazo.
1. Igazi eliphekiweyo elilungele ukudliwa yibubende.
2. Ukukhala kwenkomokazi ensikazi elenkonyane yikubhonsa.
3. Amangqongqo amnyama amancane loba amhlophe andise ukugqizwa zinyanga yibuhlalu.
4. Umuntu otshaya amathambo ukuze aveze imfihlo yisanuse.
5. Inkanyezi ephuma sekuzakusa yindosakusa.
6. Amagcobo enziwe ngamafutha ochago ngumfuma.
7. Umuntu owelapha abagulayo yinyanga.
8. Umuntu onuka abathakathi yisangoma.
9. Ukhezo lokubhemisa igwayi yingidi.
10. Umuntu ogada isambane ngumthakathi.
11. Izingane ezizelwe zimbili sikhathi sinye ngamawele.
12. Ukuphuma kwezitshakala zomumbu yikutshakaza.
13. Imfe eyahlutshwa yachaywa ukuze yome ngumhlutshwa.
14. Ukukhala kwenkomo enduna engathenwanga yikubhonga.
15. Amazinyane azelwe emabili sikhathi sinye ngamaphahla
