uMthunywa
EKUPHILENI kuzigaba ezitshiyeneyo kulendlela esichaza ngayo ukwenza ulutho oluthile ngendlela mhlawumbe egcizelelayo.
Okunye njalo kuyagcizelela indlela umuntu akhuluma ngayo, silakho ukuyichaza ngendlela ezitshiyeneyo. Chaza-ke lokhu okulandelayo.
Sitshoni nxa sisithi:
1. Uyise walintombi utshaya phansi ngenduku.
2. Unina udla amalahle.
3. Indodana yabo ingupheke yakhe.
4. Ugogo wakhe kalali.
5. Umalumakhe watshona phansi njengomswenya.
6. Umfazi walindoda wehluleka lokuzenwaya.
7. Umalukazana walapha ekhaya uphakathi komhlane lembeleko.
8. Inkomo zalapha ekhaya zidlana uboya.
9. Uyihlo ngumganu kawomi.
10. Abantwana balindoda ngamagundwane.
11. Udadewaboyihlo bathi ngumazakhela.
12. Bathi indodana yakhe yokuqala liqhathanzipho.
13. Izibulo lami lilomkhuhlane wamahlombe.
14. Umntanami bamgadisa isambane abantu balapha.
15. BakoMoyo lisigcinele intandane yethu.
16. Isalukazi lesi sitshayi nja ngekhanda.
Inkulumo efana lalezi ezingaphezulu ulakho ukuzisebenzisa lapho uzibhalela indatshana yakho yokuzibumbela. Ulimi lwakho luyabe luhlabusa okwamagama.
