Asithuthukiseni ulimi lwethu

28 Feb, 2019 - 00:02 0 Views

uMthunywa

ESINTWINI imfundiso yomntwana yindlela emqoka njalo ebalulekileyo ngelithi kulapho umntwana akheka khona kumbe ahlakazeka khona ubuntu bakhe.

Umntwana kuqakathekile akhule engulowo olobuntu njalo owakhekileyo phakathi kwabantu abadala kumbe phakathi kwabosowabo.

Esintwini izolo bekuqakathekile ukuthi umntwana wonke akhangele umuntu wonke omdala ngelihlo lokuthi ungumzali wakhe.

Lokhu kugcizelela ukuthi abantu bonke jikelele bangumthapho womlayo kanye lenhlonipho kukhangelwa bonke abasakhulayo.

Umntwana uthapha imfundiso ngakubona kusenziwa yilabo abaphambi kwakhe, ngokukhuluma ngokuphathisa lokuphatheka kulokhu akubona kusenziwa.

Lokhu kugcizelela ukuthi abantu abadala kuqakathekile ukuthi baziphathe ngendlela eyamukelekileyo phambi kwabantwana ukuze abantwana bathathele okuhle, lapho silandela imfundiso yokukhulisa umntwana.

Isintu sithi umuntu wonke ungumzali emntwaneni njalo ulelungelo lokumlaya kanye lokumqondisa umntwana wonke nxa ephambuka.

Kulezinsuku-ke ngenxa yenguquko esezikhona, izinto abantu abazibona kubomabona kude kanye lasebulenjeni sekulethe ukuxubana okuthile kundlela zokufundisa umntwana kanye lokukhuliswa komntwana.

Izinto ezifana lalezi seziguqule impilo yabantwana zahlikiza kanye lesimilo sabo. Umuntu nje omdala kasenelisi ukukhuza kumbe ukulaya abantwana angabazaliyo kungela mpendulo kungela mazwi aphambanayo.

Sinanzelela lemithetho ethile eseyabekwa zingatsha ezitshiyeneyo ebuya njalo layo idilize isimilo somntwana loba kubuya ngendlela yokuvikela abantwana.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds