Asithuthukiseni ulimi lwethu

21 Feb, 2019 - 00:02 0 Views

uMthunywa

SIYAQHUBEKA ngokunanzelela impilakahle yomntwana ngezigaba ezitshiyeneyo.

Ukuqondisa intamo yomntwana etshekileyo: umntwana nxa ekulesi simo kuthiwa ulehloka.

Izolo ubeselatshwa ngumalumakhe owayethatha ihloka amgaxe ehlombe abeselibamba ngendlela yokumelula intamo etshekileyo, wayesuka-ke umalume engavalelisanga, yiyo indlela ababeselapha ngayo ihloka.

Ukukhulisa umzimba womntwana: umntwana wonke nxa ekhula elomzimba ogcweleyo umenza athandeke abukeke njalo ephilile kodwa nxa ezacile kuletha imibuzo ethile lalapho umzimba wakhe ungatshwaphulukanga.

Abadala-ke umntwana bathi olomzimba ozacileyo katshwaphulukanga ngakho-ke kwakulendlela yokwelapha umzimba lo.

Umntwana onjalo wayegeziswa ngamaxolo omkhomo emzimbeni wonke kusale ikhanda ngoba lona lingakhangelelwanga ukuthi likhule. Babelandela ngobukhulu besihlahla somkhomo.

Ukwelatshwa kwebele elibhodlelweyo: umntwana wonke omunyayo ulakho ukubhodlela ibele, nxa kunjalo kwakulendlela yokuthi umntwana angakhalali ibele, ngoba kwakuthi lapho eselikhalele likhathaze unina selivuvukile.

Umama wayethi angananzelela ukuthi umntwana sebhodlele ibele alikhafulele okuyiyo indlela yokulelapha.

Abanye njalo, babephakamisela umntwana phezulu adlule emsulisa ibele lelo ngezibunu zomntwana.

Ukuhitshwa komntwana: umntwana wayethi engahitshwa emunya unina amkhafulele inkanda.

Kwakunakanelwa ukuthi umntwana nxa esehlala engohitshwayo nsukuzonke kwakuchaza ukuthi unina wayethanda ukunatha amanzi emile ngesikhathi ezithwele.

Onjalo-ke wayemumatha amanzi afike awanathise umntwana amanzi lawo ayesemlonyeni wakhe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds