Uncategorized

Asilwiseni ukuqeda i-aids kusiyafika u2030

02 Dec, 2021 - 00:12 0 Views
Asilwiseni ukuqeda i-aids kusiyafika u2030

uMthunywa

UMKHUHLANE wengculazi ngeminyaka yama 90s wathanyela abantu abadala kunye labancane.

Akulamuli ngitsho leyodwa engaphakamisa isandla ithi yona kayizange ithintwe ngulo umkhuhlane.

Zonke izimuli zakuleli kunye lakwamanye amazwe emhlabeni wonke jikelele zaba lesigulane emulini esibulawa yingculazi.

Umahluko osukhona lezinsuku yikuba abantu abanengi loba umkhuhlane lo usabulala abantu kodwa ukuza kwamaphilisi okucindezela amandla egcikwane leli osekusenza lalo olawo angakhanyi sokuphathise kakhulu ukuthi abantu bawamukele njalo bangaze baninela labo abalawo khatshana.

Izolo ubusizwa abanye abantu bekhala bethi isihlobo sabo saloywa nguzibani banyana kanti cha ngumkhuhlane osuthanyele abanengi.

Kukanti njalo izolo ubuthola umuntu olomkhuhlane wengculazi esephila ngokucatsha ngoba phela esesaba ukunyeywa kumbe ukuhlekwa ngabangane kanye lezihlobo.

Izolo umhlaba wonke ubumanyene ugubha usuku olukhulu lweWorld Aids Day ngaphansi kwendikimba ethi, “End inequalities.

End Aids. End Pandemics.” Kukholelwa ukuba nxa ukungalingani kuqhubeka igcikwane lengculazi lalo liyaqhubeka lisabalala yingakho nje kulwiswa lokhu ukungalingani ukuze umhlaba wenelise ukuqeda i-Aids kusiyafika umnyaka  ka2030.

Kumele singalibali ukuba loba kungene eminye imikhuhlane efana lobhubhane lweCovid-19 kodwa igcikwane leHIV lalo lokhu lilubhubhane okumele siqhubeke silulwisa luze luphele du.

Phela umkhuhlane lo kawumanga ukumemetheka kanye lokubulala abantu ngoba khathesi abantu baphathekile ngeCovid-19 kodwa lawo ulokhu uqhubeka ubulala abantu.

Kuyinto ebuhlungu ukuthi kulokhu kulabanye abantu abangazwisisiyo ukuba umkhuhlane lo kawutholwa ngabangaziphathanga kodwa labazigcinileyo labo balakho ukutheleleka emkhuhlaneni lo yikho nje indikimba yalonyaka ilwisa, “Ukuqeda ukungalingani, Ukuqeda i-Aids kunye lokuqeda ubhubhane.

Izolo bekulilanga lokwazisa, ukufundisa kanye lokukhumbula abagula kanye lababulawa yilo umkhuhlane wengculazi.

Ingculazi ngumkhuhlane nje ozifananela leminye enjengeyetshukela, iBP kanye lemvukuzane.

Abanye abantu abagula umkhuhlane wofuba bayafa kukanti umkhuhlane lo uyelapheka.

Kusobala-ke ukuthi inengi labantu liyabe linakana ukuthi umkhuhlane wofuba ngowengculazi kukanti cha utshiyene.

Kungakho-ke kuhle ukuthi abantu badinge ulwazi olujulileyo mayelana lomkhuhlane wengculazi ukuze benelise ukuzinakekela lezihlobo zabo. Akumelanga kube lomuntu ngitsho loyedwa osala emuva kundima le yokulwisa ukuqeda ukumemetheka kwegcikwane lengculazi kuleli.

Elizweni leZimbabwe umkhosi lo wenzelwe esabelweni seMashonaland West edolobheni leChinhoyi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds