Asekhona amagetsi!… ZPC Hwange ingena kuPSL

Innocent Kurira 

SEKWEDLULE iminyaka iqembu leZPC Hwange lisehluleka ukuba yintshantshu yeligi yeZifa Division One kumhlubulo ongezansi yelizwe.

Bekuhlala kuyisililo ekupheleni kwesizini, iqembu leli laphetha umkhankaso walo likunombolo yesibili. Angenile amanye amaqembu kuPSL, lona lasala muva yiloba nje lalidlale kuhle.

Lonyaka kuphelile ukudana.

IZPC Hwange isibalelwa kwezinkulu, eziligiqa kuligi ephakemeyo nanko yilo elizathwala inkezo yeZifa Division One kumhlubulo ongezansi yelizwe, lingene kuPSL ngomnyaka ozayo.

Okujabulisa iqembu leli lequla labaqeqetshi labakhokheli balo yikuthi sebebizwa njengentshantshu kusasele imidlalo emine ukuthi kugqitshwe iligi.

Likhokhela ezinye kulogu ngemiklomelo eng-14 kuliviki.

Ukunqoba kwalo 3-0 phezulu kweNdlovu Iyanyathela kuqinise ukubambelela kwalo phezulu.

Kulumdlalo uGerald Ndlovu wahlohla amabhola amabili. UDingani Maphosa wahlohla elesithathu.

Iqembu leCasmyn lizaqeda isizini likunombolo yesibili. Lisaphethe imiklomelo engu-53. Kulandela iNkayi United kweyesithathu, ilemiklomelo engu-45. Indawo yesine kungalane yeligi le ibangwa yiMainline, Zimbabwe Saints, le-Adachi eziphethe imiklomelo engu-40.

Kulandela ukunqoba kweZPC Kariba, Isikhulumi seZifa kumhlubulo ongezansi yelizwe uBlessing Mbwanda wethule umbiko wokutshayela iqembu ihlombe.

“Sihalalisela iqembu leZPC Hwange. Lisebenze kuhle kakhulu kulisizini, kubafanele ukukhutshulelwa kuPSL. Kade behlezi endaweni yesibili amasizini amathathu elandelana. Basebenze gadalala. Sibafisela okuhle kodwa kuPSL.”

Umgcinisihlalo weZPC Hwange uFarai Mahachi uthe: “Sesifikile. Silokuthaba okukhulu ukuthi sekwenzakele akade sikusebenzela iminyaka yonke le.”

UMahachi uthe babonga njalo lokuzimisela kwabadlali bonke.

Umdlali waleliqembu uJustin Kaunda usehlohle amabhola alitshumu lane. Nguye lumdlali oncedise ukuthi iqembu lidlalele ukuba yintshantshu. Omunye wabadlali abahambe phambili nguCourage Sibanda, oyibambe kuhle esiswini senkundla. Usehlohle amabhola ayisitshiyagalolunye. Abanye abenze kuhle ngabagadli ababalisa uHarmony Nare, Gerald Ndlovu, Dennis Ndhlovu loTafadzwa Pambariza’s.

Impumela yemidlalo:

ZPC Hwange 3-0 Indlovu Iyanyathela, Zebra Revolution 0-0 Bulawayo City, Zim Saints 2-1 Ajax, Vic Falls City 0-1 Jordan FC, Adachi 0-2 Mosi Rovers, Mainline 1-0 Bosso 90, Nkayi 3-0 DRC , Talen Vision 0-0 Casmyn