Uncategorized

ANTIPAS, LOGA, MAPEZA!…Kwehluleka umqeqeshi kumbe abadlali?

14 Oct, 2021 - 00:10 0 Views
ANTIPAS, LOGA, MAPEZA!…Kwehluleka umqeqeshi kumbe abadlali? uNorman Mapeza

uMthunywa

Nkosilathi Sibanda
“SONKE siphoxekile ngemuva kokwehlulwa kulumdlalo. Ngesikhathi ngingena njengomqeqetshi omutsha wamaWarriors, ngangisazi isimo seqembu.

“Ngathembisa ilizwe ukuthi ngizazama ngakho konke okusemandleni ami ukuvuselela umkhankaso wenkezo  yoMhlaba, kodwa akusekho ezandleni zethu.”

Uzikhulumele engela ngitsho unembeza umqeqetshi wamaWarriors uNorman Mapeza ngemva kokunqotshwa kweqembu lakhe yiGhana nge 1-0 eHarare ngoLwesibili emini.

Impendulo yakhe le ayizange ihlabuse abathandi beqembu lesizwe abakubone sengathi uMapeza uzame ukucatsha ngomunwe, endaweni yokuthi avume ukuthi nguye uvoxe udaka.

Umqeqetshi lo ngowesithathu ukuphatha lesi isihlalo kumkhankaso wenkezo yoMhlaba. Ukungena kwakhe bekukhangelelwe ukuthi kuletha umehluko omkhulu.

Ngemva kokuhlaziya iqembu elalibanjwe nguJoey Antipas ekuqaleni, uMapeza bekumele ahlakaniphe, asebenzise amaqhinga afanayo, mhlawumbe ebengaphuma kumkhankaso elomdlalo awunqobileyo.

Umqeqetshi owalandelayo uZdravko Logarusic wafika wafa isawudo esilondeni okwengeza ubuhlungu waze waxotshwa. UMapeza akazange afunde okuhle kumbe ukulungisa iphutha alithola likhona.

Nxa engaqathaniswa labo bonke abaqeqetshi ababephambili kwakhe, kungatholakala ukuthi wehlulekile.

UMapeza uvumile ukuthi amaWarriors asengaphandle.Uthe kungcono ukuthi azilungiselele imdlalo ye-Afcon.

Kodwa, izabe ilokhe imgcinile na iZifa, kuze kufike uZibandlela?

Iphephandaba likazulu likhulume lomqeqetshi lo ngoLwesithathu wabika ukuba bazazama ukunqoba imidlalo yabo eseleyo.
“Kwesinye isikhathi kudingeka ukhangelane leqiniso empilweni,” kutsho uMapeza ekhuluma lentatheli ngemva komdlalo.

“Sizasebenzisa imidlalo eseleyo ukuzilungiselela kumncintiswano we-Africa Cup of Nations eCameroon ngoZibandlela.

“Kulokhu engikubonileyo ngicabanga ukuthi ukudlala kuhle. Kungumsebenzi oqhubekayo.”

Umaneja wamaWarriors uWellington Mpandare ubengabambeki ecingweni ngesikhathi kudingwa ukuthi atsho awakhe ngesimo seqembu lesizwe.

Imibono ekubalendeli bamaWarriors labacubunguli bomdlalo iveza ukuthi kukhona okungayisikho phakathi kwabaqeqetshi, abadlali lenhlanganiso yeZifa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds