Angeke uhambe wedwa eLiverpool! Liverpool 4, Barcelona 0

09 May, 2019 - 00:05 0 Views
Angeke uhambe wedwa eLiverpool! Liverpool 4, Barcelona 0

uMthunywa

USELE enwaya indevu uMessi, umdlali weBarcelona ekubona ukuthi babhaxabulwe kwezwakala liqembu leLiverpool kusigaba sesibili somqhudelwano we-Uefa Champions League.

Abasekeli beLiverpool koBulawayo bagade amatafula bethabele ukunqoba kweqembu labo.

Labo ababheje ngezimali zabo ukuthi iqembu laseNgilandi leli lizanqoba, bayitshaye ibambile ngoba bayitholile imali.

Lapho kwehlule ukuthi uMessi aphinde into ayenza kibo ngeviki edluleyo beyangisa iLiverpool 3-0 kusigaba sakuqala.

Kuliviki iLiverpool ibingela abadlali bayo bathenjiweyo ababalisa uMohamed Salah, ovele ahlaselwe yikulimala.

Lumdlali walimala ngeviki edluleyo etshayana amakhanda lonozinti weNewcastle United, uMartin Dubravka, emdlalweni weligi eSt James Park.

ILiverpool ayizange iwadinge amaqhinga kaSalah ngoba bebekhona abanye abavale isikhala.

Abadlali beLiverpool ababalisa uGini Wijnaldum loDivock Origi lonozinti uAlisson Barker babeyinsika yokuphumelela.

Umqeqetshi uJurden Klopp uthe umangele.

“Okwenziwe ngabadlali bami yisimangaliso, bekungeke kwenzeke,” kutsho lumqeqetshi ngemva komdlalo. 

ILiverpool ilomlandu omuhle kuChampions League nanko isikhanya ukuthi ingaphindisela eyakwenza ngesizini ka-2005 ize ibeyintshnatshu yeChampions League.

— Ubulembu

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds