Uncategorized

Angadlala kumdlalo weCaf Champions League uBilliat

01 Apr, 2021 - 00:04 0 Views
Angadlala kumdlalo weCaf Champions League uBilliat Khama Billiat

uMthunywa

YiNtatheli kaMthunywa
UMDLALI wakuleli wesiswini uKhama Billiat useqalisile ukulolonga kuqembu lakhe lakweleSouth Africa, iKaizer Chiefs lapho acina khona ukudlala ngenyanga kaZibandlela kulandela ukulimala.

UBilliat wacina ukudlala ngemva kokulimala ngesikhathi iChiefs idlala leqembu leMaritzburg United mhlaka 9 Zibandlela eFNB Stadium.

Umdlali lo uthe uselungiselele ukungena enkundleni adlale ukuze ancedise iChiefs ukuthi iqede umkhankaso weDStv Premiership iphezulu njalo iqhubekele kumkhankaso weChampions League.

UBilliat uncedise ekuhlohlweni kwamabhola amahlanu njalo wahlohla elilodwa kumidlalo engu-16 kumncintiswano yonke yalonyaka andubana abadlali beMaritzburg bamlimaze unyawo ngoZibandlela.

“Bekunzima, njengabadlali bebhola abaqeqetshiweyo sifisa ukuthi siphathise ngokudlala ngezikhathi zobunzima lanxa konke kukuhle ukuze ukhule njengomdlali. Ngalimala ngidlala leMaritzburg United njalo kangizange ngikubone kusiza.

“Kangikaze ngibe kusimo esifana lalesi lapho engehluleka khona ukudlala imidlalo eminengi. Bekunzima kimi.

Bengicabanga ukuthi ngizazibamba ngamandla ngiphenduke emdlalweni masinya kodwa ngiyakuzwisisa ukuthi konke kwenzakala ngoba kulesizatho. Ngiyambonga uMdali ngamandla, njalo khathesi sengisizwa ngcono,” kutsho uBilliat.

Ukulimala kukaBilliat unyawo kwenza njalo wehluleka umdlalo weZimbabwe we-final yeAfrica Cup of Nations qualifiers leBotswana kanye leZambia. Khathesi kodwa uBilliat usezimisele ukubuyela kusimo sokubuyela kuqembu.

Umdlali lo ukhangelele ukuthi ngoMgqibelo athole ithuba lokungena enkundleni alikhabe iChiefs idlala leWydad Casablanca kumdlalo omqoka weConfederation of African Football Champions League.

“Sengiphendukile, ngilethemba lokuba umqeqetshi uzanginika ithuba. Sengiqalisile ukulolonga leqembu. Kumele ngisebenze ngokuqina. Njengomdlali isimo sakho sengqondo kanye lokuthi usebenza nzima kanganani okukwenza uncedise kuqembu,” nguBilliat lowo.

Amakhosi azadlala leqembu leWydad Atheletic ngoMgqibelo eFNB Stadium.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds