AmaWarriors adibana le Algeria esigodlweni

22 Oct, 2020 - 00:10 0 Views
AmaWarriors adibana le Algeria esigodlweni

uMthunywa

Wayne Ncube
INHLANGANISO yeConfederations of African Football (CAF) isiveze ukuba amaWarriors azadlala lesizwe se-Algeria kumqhudelwano wokungena ku-AFCON emnyakeni ozayo enkundleni yeNational Sports eHarare.

IZimbabwe le Algeria bekukhangelelwe ukuthi zidlale ngenyanga kaMbimbitho kodwa kwehlula ngenxa yokumiswa kwemidlalo yonke kubangelwa lubhubhane lweCovid-19.

Ekuvulweni kwemidlalo, abalandeli bakoBulawayo badaniswe yikutshintshwa kwendawo lapho lumdlalo obukhangelelwe ukuthi udlalelwe eMagumeni eBarbourfields ususiwa eNational Sports.

Ekhuluma loMthunywa umlandeli wamaWarriors uThobani Ndlovu uveze ukuba njengabalandeli bakoBulawayo bebekhangelele ukudla kwamehlo.

“Besilethemba ukuthi imadlalo le izathi iqala inkundla yethu ye-BF isilungile ukuze lathi njengabalandeli beqembu lesizwe senelise ukulibona sisegumeni lethu.

“Kungcono kodwa umdlalo lo uzadlalelwa lapha eZimbabwe kulokuthi badlalele kwamanye amazwe njengalokho okwaphosa kwenzakala ngoMbimbitho inkundla zonke zelizwe zibonwe zingafanelanga ukudlalelwa imidlalo,” kulandisa uNdlovu.

Umdlalo wakuqala phakathi kwamaqembu la kubikwa usuzaqhutshwa mhlaka 6 kuLwezi. AmaWarriors azavakatshela e-Alegria mhlaka 10 ngenyanga efanayo enkundleni ye 5 July 1962 Stadium edolobheni le-Algiers.

Kuliviki inhlanganiso yeCaf ikhiphe uluhlu lokudlalwa komkhankaso yokungena ku-final yeAfcon ezayo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds