AMANZI EMADAMU SEKU-91,4 PHESENTI

04 Mar, 2021 - 00:03 0 Views
AMANZI EMADAMU SEKU-91,4 PHESENTI

uMthunywa

YiNtatheli kaMthunywa
IZINGA lamanzi emadamu aselizweni lonke jikelele selikhuphuke laya ku-91,4 phesenti ngenxa yezulu eliqhubekela phambili lisina elizweni kusukela ekuqaleni kwesigaba lesi.

Kumbiko weviki ngoLwesihlanu kuviki ephelileyo iZimbabwe National Water Authority (Zinwa) ithe izinga lamanzi emadamu liqhubeka likhwela nanko phela indawo ezinengi zokugcina amanzi asephosa ukugcwala kukanti amanye asechitheka.

Lapho okugcinwa khona amanzi eGwayi catchment izinga liku-101 phesenti okutsho ukuthi wonke amadamu agqagqele indawo le asegcwele. Idamu le-Exchange yilo elilamanzi amanengi liku-107,8 phesenti, lilandelwa yiNsukamini eliku-105,3 phesenti, iLower Mguza iku-105 phesenti, Bubi-Lupane 100, 6 phesenti, Pollards 100,5 phesenti kukanti idamu leKhami lingene amanzi amalutshwana liku-92,9 phesenti le Upper Mguza eku-86,8 phesenti.

Idamu eligcina amanzi amanengi ngeleSanyati lona eliku 103,8 phesenti. Kundawo le yokugcina amanzi, amadamu onke agombolozele indawo le asegcwele njalo asegeleza, idamu leSebakwe kanye leWhitewaters asegcwele aku-103, 1 phesenti kulandela idamu leMamina eliku 100, 9 phesenti, Chikomba 100, 3 phesenti kuthi iClaw Dam iku 100phesenti.

IRunde catchment yona iku-100, 1 phesenti njalo leli ligombolozelwe ngamadamu ayisificamunwe munye lawo asegcwele lanxa amanye akhona engakafiki kuzinga eliphakemeyo kodwa kuyathembisa.

Idamu leTokwane liku-112 phesenti lilandelwa yiTugwi-Mukosi eliku-111,1 phesenti, iMuzhwi iku 105,2 phesenti, Amapongokwe 103, 1 phesenti, Bangala 102, 9 phesenti, Mushandike 100, 9 phesenti kanye le Gwenoro eku-100 phesenti. Amanye amadamu amabili Manjirenji kanye leMutirikwi aku- 89, 8 le 87 phesenti ngokulandelana.

IMzingwane catchment iku-85, 5 phesenti. Amadamu alapha abalisa iZhovhe eku- 107, 7 phesenti, Manyuchi 102, 5 phesenti, Ingwizi 101, 7 phesenti, Silalabhuhwa 100, 5 phesenti, Insiza 76 phesenti, Upper Ncema 64, 4 phesenti, Inyankuni 59 phesenti, Mtshabezi 58, 5 phesenti, Lower Ncema 37, 6 phesenti kanye Mzingwane 35,4 phesenti.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds