Amakhosikazi alimukiswa ngokuhlukunyezwa

22 Sep, 2022 - 00:09 0 Views
Amakhosikazi alimukiswa ngokuhlukunyezwa Zifa

uMthunywa

Nkosilathi Sibanda

SEKUVELA ukuba kubalulekile ukuthi amaqembu amantombazana kwezemidlalo akhululeke ngokukhuluma ngodaba lokuhlukunyezwa kwabadlali ngokocansi. Ngokumemetheka komkhankaso wokuthi kumele amaqembu adinge amaqhinga okuvikela abadlali, iqembu leBulawayo Chiefs, elaziwa ngokuthi ngaMakhosikazi, alizange lichithe isikhathi. Iqembu leli lenze umhlangano wezifundo lapho elihlanganise khona abadlali balo, izazi kwezempilakahle leziphathamandla kuxoxwa ngalindaba yokuhlukunyezwa ngokocansi. Sekwandile ukuhlukunyezwa kwabesifazane, ikakhulu kumdlalo wenguqu kuligi yeZifa esemhlubulweni ongezansi yelizwe, iSouthern Region Women’s Soccer League. UMthunywa uphethe udletshana lokuba bakhona abadlali abahlukunyezwa ngokocansi kodwa besabe ukukhuluma.

Ngokunanzelela lokhu, iBulawayo Chiefs isukumele phezulu yabela abadlali bayo ulwazi. Uhlelo lwemfundiso lolu, oluqhutshwe ngeviki edluleyo, belukhokhelwa yinhlanganiso ephethe ezemidlalo kuleli eyeSports and Recreation Commission (SRC), ebimelwe ngu-Adelaide Gumbo. Lamapholisa akugatsha lwe-Zimbabwe Republic Police (ZRP) Victim Friendly Unit abenxusiwe ukuthi achaze ngezehlakalo zokuhlukunyezwa kwabesifazane emphakathini.

Share This:

Sponsored Links