Amakhosi avula umkambo ebulenjini

25 Jun, 2020 - 00:06 0 Views
Amakhosi avula umkambo ebulenjini Thulani “Javas” Sibanda

uMthunywa

YiNtatheli kaMthunywa
IBULAWAYO Chiefs ingabe yathwala gadalala ukuze iqhubekele phambili idlala kuligi yeCastle Lager Premier Soccer League lapho abasila ngenhlanhla kumnyaka odluleyo, kodwa leliqembu seliqhubekele phambili litshengisa ubungcwethi obuphezulu kumuli yebhola leZimbabwe.

Ngemva kokusungula iTwitter elabalandeli abalitshebetshebe lomfula umhlaba wonke jikelele, Amakhosi Amahle, sesungule umkambo wezigqoko ebulenjini.

Abalandeli balo lalabo abazithandela umdlalo webhola nje sebengathenga impahla zeBulawayo Chiefs kulowo mkambo.

Lezimpahla zibalisela amajesi agqokwa ngabadlali beChiefs besenkundleni lempahla abazigqoka nxa besiya emdlalweni eziyathengiswa nge-ZWL$2 500 esisodwa.

Kulezembatho ezilotshwe “Anjalo Ama Sports”, “Ebhoreni Akula John Cena” eziyabe zibiza ZWL$1 000.

Labo abaphandle kwelizwe bengathenga lezimpahla nge US$30.

Okhulumela iBulawayo Chiefs, uThulani “Javas” Sibanda uthe: “Isitolo sethu sebulenjini sesisebenza njalo abantu sebengabhadalela impahla ngendlela ezitshiyeneyo ezibalisa iEcoCash, OneMoney kanye lamakhadi ebhanga. Sizasebenzisa iCourier Connect leFedex ukuthumezela abantu impahla zabo endaweni ezitshiyeneyo zelizwe kulembhadalo phezulu.”

Leliqembu likhangelelwe ukuba lenzuzo enengi ngalowo mkambo osuvame ukusetshenziswa phetsheya ngamaqembu abalisa oManchester United, Arsenal, Juventus, Real Madrid le Barcelona.

Share This:

Sponsored Links