YiNtatheli kaMthunywa
KULAMADODA amabili avela eDete esabelweni seMatabeleland North abotshelwe ukwephula umthetho weParks and Wildlife Act ngemva kokutholwa belenyama yentundla.
UThulani Dube (28) loSmart Banda (42) balivumile icala labo phambi kukaMantshi eHwange. Bagwetshwe ukuthi babhadale i-US$200 kumbe bangene inyanga ezine ejele.
Umthethwandaba wezwa ukuthi mhlaka 24Ncwabakazi 2024, iqembu lama-ranger, elalibhoda eMthanhaka block endaweni yeSikumi laba lensolo linanzelela ukuthi kulamanqe aphaphela eduzane.
Iqembu lama-ranger leli lasondelela lapho okwalamanqe la khona, lathola kulenyawo ezine zentundla kunye lomhlathi. Endaweni le babona impaqu zenyawo zidinde phansi, kwaba lomzila wegazi abawulandela wabafikisa emzini kaDube.
Benza uphenyo njalo bathola inyama yentundla ewonyisiweyo, okwenza kwabotshwa uDube oqamba ukuthi wenze lokhu eleoBanda.
