uMthunywa
YiNtatheli kaMthunywa
IGCEKE lamangcwaba ele-Athlone West selivaliwe, kubika ikhansili yedolobho lakoBulawayo.
Kumbiko okhitshwe yikhansili le ngoLwesihlanu, izakhamizi zaziswe ukuthi indawo zokungcwaba abantu sezisilela edolobheni, kungakho i-Athlone West isivaliwe.
Ikhansili ithe okwamanje isivule iMvutcha Cemetery.
“Ikhansili ithanda ukwazisa uzulu ukuba akuselandawo yokungcwaba eAthlone West Cemetery. Kungakho ke, indawo le isivaliwe, kusukela mhlaka 7 Zibandlela 2022. Sekuzavulwa iMvutcha Cemetery,” kutsho umbiko olotshwe ngumabhalane wekhansili uMnumzana Christopher Dube.
