NGIYAKUBINGELELA Mhleli njalo ngiyazehlisa kuwe lakuqula lakho.
Sicela amapholisa azame ngazo zonke indlela ukuqeda ukuhlukuluzana ezindlini ngoba kukhanya obaba sebekwenza umkhuba ukuthi bahlukuluze omkabo kungabi ndaba zalutho.
Bengicela njalo ukuthi abafundisi bamabandla labo bezame ukuhlala phansi bafundise abantu emabandleni abo ukuthi benzeni nxa bethe bangazwisisani ezindlini hatshi ukuthi basuke bagwazane kanje, kukanti bebengakhumisana umlotha kuphinde kuzwanwane ngekhaya.
MaSibanda,
Gwabalanda, Bulawayo.
