uMthunywa
Yakha izandiso zendawo ngamabala alandelayo: indlu, mina, omkhulu, laba, bobabili, kodwa. Izibonelo: indlu – endlini. Khetha izandiso zendawo ezintathu utshengise ukuthi uzakhe njani.
Landela isibonelo esilandelayo: Kubizo indlu sisusa unkamisa wokuqala /i/ siqale ngonkamisa /e/ oyisakhi sesandiso sendawo. Sisusa unkamisa /u/ osekucineni kwebizo /indlu/ sijobelelo /-ini/ Sithole u/endlini/ oyisandiso sendawo.
Funda imitsho elandelayo ngonanzelelo ubusuphendula imibuzo engaphansi. Ugogo uzondana lomakhelwane wakhe. Abafana batholakele bedlala phandle. Isigqoko sikadadewabo sidabukile. Abantwana bahambe bodwa ekhaya. Abafundi bonke kuthiwe babuye lemithungo yabo.
Umphathisikolo uthembise ukubajezisa abafundi abeqa imithetho yesikolo.
Tshono ukuthi amabala la asemitshweni engaphezulu ayini ngohlelo lwesiNdebele? uzondana, phandle, sikadadewabo, bodwa, imithungo, umphathisikolo. Chasisa ukuthi amagama alandelayo akhiwe njani. –zondana, imithungo, umphathisikolo.
Yakha izinciphiso ngokulwangisa emabizweni alandelayo: umlomo, isimbo, impompi, isigubhu, isikhuni, umumbu. Nansi isibonelo: isimbo – isinjana. Kubizo isimbo undebembili /mb/ oselungeni lokucina uyalwangiswa abe ngu/nj-/ sisuse unkamisa /o/ oselungeni lokucina sijobelele u/-ana/ oyisijobelelo sesinciphiso.
Vikela ubhubhane lweCovid 19 ngokulandela zonke izixwayiso ezibikwa ngabogatsha lwezempilakahle
