uMthunywa
Ethel Ncube
IZIMBABWE School Examinations Council (Zimsec) isikhuthaze abazali ukuthi babhadale imali zemihloliso ngesikhathi ukuze imihloliso iqhutshwe ngendlela efaneleyo.
Kumaviki ambalwa abazali bekungani badidekile ngensuku zokucina zokubhadala abaziphiwa yizikolo bethi kazihambelani lezeZimsec kodwa sokuvele ukuba isikolo sinye ngasinye silosuku lwaso lokucina lokubhadala kuthi iZimsec layo ilolwayo.
Ekhuluma loMthunywa uNkosazana Nicky Dhlamini oyisikhulumi seZimsec uthe abazali abalandele lokhu abakutshelwa yizikolo.
“Isikolo sinye ngasinye silelanga laso lokuvala ukubhadala imali zemihloliso kungakho-ke abazali abalandele amalanga abawaphiwa yizikolo ngoba kulesizatho salokhu,” kutsho uNkszn Dhlamini.
Ilanga lokucina lokubhadalela imihloliso le Zimsec likunyanga kaNtulikazi.
