Uncategorized

AbaThwa bafundisa izakhamizi zeTsholotsho ngemvelaphi yabo

02 Mar, 2015 - 16:03 0 Views
AbaThwa bafundisa izakhamizi zeTsholotsho ngemvelaphi yabo

uMthunywa

NguMsilisi Dube
ABATHWA beMgodimasili, eTsholotsho bazaqhuba umkhankaso wokufundisa izakhamizi zakulesisigaba ngemvelaphi yabo ukuze bahlonipheke njalo bahlalisane kuhle labantu bezinye izigaba abakhelane lazo.
AbaThwa bavame ukukhangelelwa phansi ngezinye izakhamizi zakulumango okucina kubangela ukuthi behluleke ukuphatheka emsebenzini yokuthuthukisa isigaba.

Umqondisi wenhlanganiso yeSan Development uMnumzana Davy Ndlovu ubikele iphephandaba leli ukuba mhlaka 28 kuyonale inyanga bazabuthana eTsholotsho lapho abazafundisa khona uzulu ngemvelaphi kunye lamasiko abo.

“Sesananzelela ukuthi abanye abantu basikhangelela phansi. Lokhu kusenza sehluleke ukuphatheka kweminye imisebenzi eqakathekileyo. Ngalelilanga sifisa ukufundisa abantu ukuthi thina sivele singobani njalo sidabuka ngaphi.

“Esikufisayo yikuthi lathi sihlonipheke esigabeni njalo siphathwe njengabantu ukuze isigaba sethu sithuthuke,” kuchaza uMnu Ndlovu.

UMnu Ndlovu uqhubekele phambili wathi ngosuku lolu bazabuya bananze usuku lwe-International Mother Language Day lona oluvame ukunanzwa mhlaka-21 Nhlolanja minyaka yonke.

“Minyaka yonke mhlaka-21 Nhlolanja lusuku lokunanza ama indigenous languages. Uhlupho esaba lalo yikuthi besingelamali yokuthi  siphumelelise umsebenzi lo. Okunye njalo sahlonipha ukuba lusuku lokuzalwa kukaMongameli welizwe.

“Besifisa lathi ukuba siyegida emkhosini wokunanza usuku lokuzalwa kukaMongameli kodwa uhlupho olukhona yikuthi siphuzile ukuzwa ukuba kuzabe kusinwa kudedelwana eFolosi. Okunye imali zokuya khonale yizo ebezikhathaza,” kuchaza uMnu Ndlovu.

Usuku lokunanzwa kwendimi lwaphawulwa ngomnyaka ka-2007 yinhlanganiso yeUnited Nations General Assembly ukwenzela ukuba indimi zonke ziqakathekiswe.

Ulimi lwabaThwa, isiTonga kunye lezinye indimi ezimbalwa kubikwa zivame ukukhangelelwa phansi okuyisenzo  esingaqondanga.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds