Uncategorized

Abathathu bahlaselwa zingwenya begola inhlanzi eKariba

23 Nov, 2023 - 00:11 0 Views
Abathathu bahlaselwa zingwenya begola inhlanzi eKariba

uMthunywa

Langelihle Moyo

KULAMADODA amathathu ahlaselwe zingwenya afa ethiya inhlanzi eChinhandowa, eGatche Gatche Fishing Camp kuLake Kariba. 

Izehlakalo lezi zenzakale ngoMgqibelo langeSonto eyedluleyo.

Abathathu laba abathi uShamerton Sibanda obeleminyaka engu-35, wesiqintini seLanlolly eMagunje, uGeorge Mawandiwa (38) wesiqintini seMahombekombe, eKariba lo Bayton Chikomo (29) wesiqintini seKaponda eMagunje kubikwa bahlaselwe yingwenya.

Kubikwa mhlaka 18 uShamerton Sibanda wathi ethiya inhlanzi esebenzisa isikepe wadonselwa yingwenya emanzini, kuLake Kariba. 

OGeorge Mawandiwa labanye bathi bemdinga emanzini ngokusweleka kwenhlanhla laye wadonswa yingwenya. Isidumbu sakhe satholakala ngokuya kwesikhathi ngababesidinga.

Ngosuku olulandelayo izidumbu lezi zahanjiswa eKariba District Hospital zilindele ukuhlolwa.

Ngalolosuku kwaphinda kwaba lesinye isehlakalo futhi lapho ingwenya eyaphinda yahlasela uBayton Chikomo oweKaponda eMagunje ephosela amambule eLake leKariba.

Isikhulumi samapholisa elizweni uAssistant Commissioner Paul Nyathi kuKhasi le-X ebulenjini uthe ingwenya zibulele amadoda amathathu abegola inhlanzi kuLake Kariba.

“Mhlaka 18 lo 19 kuyonale inyanga kulamadoda amathathu ahlaselwe zingwenya afa kuLake Kariba lapho abegola khona inhlanzi. 

“Izidumbu zabo zisesibhedlela seKariba District Hospital zilindele ukuhlolwa,” kuphetha uAsst Comm Nyathi.   

Share This:

Sponsored Links