Uncategorized

Abasamfuni esigabeni umalayitsha owafaka umkakhe ulunyoka eGoli

31 Mar, 2015 - 15:03 0 Views
Abasamfuni esigabeni umalayitsha owafaka umkakhe ulunyoka eGoli

uMthunywa

NguEmmanuel Ndlovu
KULANDELA isiga sowesifazana lowesilisa abatholakala besemacansini benamathelene ngenxa yolunyoka elizweni leSouth Africa kunyanga edluleyo, sokuvele ukuthi umyeni wenina leli, ongumalayitsha njalo eyisakhamuzi seFort Rixon usezaxotshwa kulindawo ngenxa yokuganga lokhu.Izakhamizi zesigabeni lesi zibikele iphephandaba leli ukuthi sezihlalele evalweni ngenxa kamalayitsha lo (ibizo silalo) nanko phela  sezesaba ukuhlala laye ngoba zithi uphethe okukhulu.

Kuzwakale ukuthi emzini kamalayitsha lo kuhlala izisebenzi ezigcine umuzi.

Esinye isakhamuzi esikhulume loMthunywa siveze ukuthi kunzima ukuhlala esigabeni sinye lomuntu owafaka umkakhe umuthi.

“Siyamesaba okunye esigabeni undoda lo ngoba uvele lokutshaya uyabulala. Lenkokheli zendawo ziyamesaba ngenxa yodlame alalo kukanti lamapholisa endaweni yethu lawo amazi emqonda.

“Kulandela ukubanjwa komkakhe eGoli enamathelane leyinye indoda emacansini ngezwa abantwabami abakhonale sebengifonela bengisusela umhlolo lo.

“Ngesikhathi kusenzakala lokho yena wayengapha ekhaya. Osokusikhathaza yikuthi thina njengabomakhelwane bakhe sizahlala njani laye njengoba kukhanya ethwele okukhulu,” kulandisa esinye isakhamuzi esingazange sithande ukuqanjwa ngebizo.

Sibuye saveza ukuthi abanye abantu sebefisa ukuthi ngabe lumalayitsha uyabuyela kibo eKezi lapho adabuka khona.

Umlisa kaWadi 2 epulazini leli, uMnumzana Nkosiyabo Dladla uthe lokhe esamelele usobhuku okhangele isigaba okuhlala lumalayitsha ukuthi azombikela kabanzi ngezikhalazo zabantu.

“Ngizwa kuthiwa umalayitsha wesiga lesi esazwakala eGoli, esenina elanamathelana letshamali emacansini uhlala khonalapha kuVillage 2.

“Lami nginje angikamboni njalo ngisamelele usobhuku uMoyo ukuthi angazise kabanzi nxa kuyikuthi abantu abasahlalisekanga ngaye,” kutsho uMlisa uDladla.

Iphephandaba leli lixhumane losobhuku lo oziveze ngokuthi nguLivestone Moyo yena othe udaba lukamalayitsha lolu lokhe lusalihungahunga.

“Kulesakhamuzi esingumalayitsha esisemilonyeni yabantu ngoba bathi wafaka umkakhe ulunyoka eGoli.

“Ukuthi nguye kumbe kasuye mina angilaqiniso lakho ngoba vele katholakali emzini wakhe.

“Ngisazodingisisa njengomkhokheli ngendoda le ngoba sengizwe izikhalazo ezinengi zikhulunywa ngabantu ngendoda le,” kutsho uMnu Moyo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds