INHLANGANISO yeZimbabwe Soccer Coaches Association (Zisca) isikhuthaze bonke abaqeqetshi abangaphansi kwayo ukuthi bayehlatshwa ijekiseni yokuvikela iCovid-19.
Ekhuluma lephephandaba likazulu ngoLwesibili ekuseni uMgcinisihlalo walinhlanganiso uBongani Mafu uthe kubalulekile ukuthi abaqeqetshi babe yisibonelo emphakathini ngokuba ngabokuqala ukuthi bayefola ukuze bathole usizo lokuzivikela.
“Ukuhlatshwa ijekiseni le kuqakathekile kithi sonke, yikho sikhuthaza amalunga ethu ukuthi asukumele phezulu ayehlatshwa. Abaqeqetshi kumele babengumzekeliso kubadlali lakumphakathi.
“Abaqeqetshi bayahlonitshwa njalo balandelwa ngabantu abanengi. Akumelanga abaqeqetshi batholakale bekhuluma kubi ngokuhlatshwa kwejekisini yeCovid-19.”