uMthunywa
Ethel Ncube
KWEHLE iyezi elimnyama kubomakorokaza akade begebha igolide esiqintini seNkenyane, eNyathi ngemva kokudilikela kwelitshe emgodini okubangele ukuthi kufe ababili.
Omakorokoza laba kubikwa bebeyisithupha phakathi komgodi ngempelaviki ngesikhathi kusenzakala ingozi le.
Kubikwa ababili balaba uZamani Tshuma oleminyaka engu-24 yokuzalwa kunye loMelizwe Mpofu oleminyaka engu-24 yokuzalwa bahle bedlula kungozi le.
Abanye abathathu kuzwakale ukuba balimala njalo balalisiwe esibhedlela seNyathi kukanti oyedwa uphume engalimalanga.
UMthunywa uzwe ukuthi ingozi le yenzakala ngezikhathi zemini njalo omunye owayegebha komunye umgodi wathi esizwa lokhu waphanga wayabikela abanye ababuya bazosiza ukuthi abayisithupha bakhitshwe emgodini.
