Abafana beSoutherns babona intuthu

13 Jun, 2024 - 00:06 0 Views
Abafana beSoutherns babona intuthu

uMthunywa

Brandon Moyo

BAYIKHULELE iSoutherns iphinda ukunqotshwa yisitha sayo esidala iNortherns enkundleni ye-Old Hararians kuliviki.

Amaqembu ekhilikithi la asedibene kumidlalo eyisithupha, iNortherns inqoba yonke. Kumdlalo osanda kwedlula, inqobe nge-39 runs, yaqinisa umbuso wayo kuligi.

INortherns yakhetha ukuthi kubeyiyo eqala ukutshaya ibhola, yenelisa i-285/4 ngemva kwama-over angu 46. Besuka lapho beqela kuhlandla lokujika ibhola, bayibhuqa iSoutherns, beyikhupha emdlalweni itshaye 196 runs ku 34, 2 overs.

Umdlali, uJohnathan Campbell uqhubeke eyiphakamisa iNortherns, ethola ama-runs alikhulu letshumi lantathu (113) kumabhola angamatshumi ayisikhombisa lasitshiya galombili (78). Umdlali lo oleminyaka engamatshumi ayisithupha okuzalwa, ngumntaka Alastair Campbell, ingcitshi eyadlalela iZimbabwe.

Omunye umdlalo owenze kuhle kuNortherns kube nguTanunurwa Makoni othole ama-runs angamatshumi amahlanu lanye (51), andubana bamkhiphe, ejikelwe amabhola angamatshumi ayisitshiya galolunye lantathu (93). UDion Myer uthole 50 kumabhola angu 46. Unozinti wabo uNyasha Mayayo laye wenze kahle ethola ama-runs ayi-26.

Kuqembu le-Southerns, kukhokhele u-Owen Muzondo (2/41) kuma-over ayisitshiya galolunye. Mathew Campbell lo-Ashley Mufandauya bathole i-wicket elilodwa ngamunye.

Kuhlandla lesibili lomdlalo, kube ngumdlalo obanjwe ngamaNortherns. Kuhambe phambili uVictor Nyauchi, Ernest Masuku loVictor Chirwa. Kusebenze loMyers loCampbell, Arineshto Vhezha, loRodney Mupfudza.

Imidlalo le idlalelwa ngabadlali abadise ukubizwa kuqembu lama-Chevrons.

 

 

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds