Yimali kuphela ngembuzi zochago

18 Jan, 2018 - 00:01 0 Views
Yimali kuphela ngembuzi zochago Abalimi bakhuthazwa ukufuya imbuzi zochago

uMthunywa

Thando Dube
INHLANGANISO ekhangela ngezokulima eyeZimbabwe Commercial Farmers’ Union (ZCFU) ikhuthaza abalimi ukuthi bafuye imbuzi zochago ngoba uchago lwembuzi  luyadlisa.

Ekhuluma loMthunywa uMnumzana Winston Babbage ongumlimi njalo osebenzisana logatsha lweZCFU uthe abalimi kabafuye imbuzi zomhlobo wochago ngoba uchago lwembuzi lulomkambo.

“Abalimi abalima belenhloso yokuthola inzuzo ngomsebenzi wabo kabafuye imbuzi zochago.

“Umkambo wochago lwembuzi ubanzi njalo muhle ngoba luchago oluhlabusayo njalo olulolaza nxa uqathanisa lolwenkomo okwenza abantu lamankampani baluthakazelele.

“Uchago lwembuzi lusetshenziswa ekwenzeni izinto ezinengi ezigoqela amasi, i-cheese kanye lokulusebenzisa lunjalo, okuyikho okwenza ukuthi umkambo walo ubebanzi.

“Ukuze imbuzi ziphe umlimi uchago olunengi umlimi kufanele aziphe ukudla okuthengwayo okuzazenza zenelise ukwehlisa,” kuchaza uMnu Babbage.

UMnu Babbage uphinde wachaza ukuthi umlimi ofuya imbuzi zochago uyayithola inzunzo enhle ngaphandle kokuthengisa uchago.

“Ukufuya imbuzi kungcono kulokufuya inkomo ngoba imbuzi zinyamazana ezingahluphiyo kakhulu ngokudla njalo lemikhuhlane.

“Ngaphandle kochago imbuzi lezi zilusizo kumlimi ngoba azilethi uchago lodwa kodwa  ziletha izikhumba, umquba lenyama lokhu kuyisibonakaliso ukuthi umlimi ofuya imbuzi lezi ulezunzo enkulu,” kuchaza uMnu Babbage.

“Ekufuyweni kwalezi imbuzi umlimi kufanele ehlukanise amazinyane labonina. Amazinyane kufanele aphiwe ukudla  ukuze angaqedi uchago kubonina.

Ukufuya imbuzi kulusizo lasesigabeni ngoba kuyavula amathuba emisebenzi ngoba kudingakala abantu abazagcina imbuzi lezi,” kuphetha uMnu Babbage.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds