uMthunywa
INDODA eyaziphosa esitezi eBerea eGoli kubikwa yafonelwa nguSathane kwathi ngemva kwensuku ezimbili yaziphosa phansi isuka phezulu kwebhilidi elilezitezi ezingu-8!
Ubabakazi walindoda uThembi Shozi oleminyaka yokuzalwa engu-54 uthe uMongezi Masinga wafonelwa nguSathane, nge-private number ngoLwesihlanu ebusuku efonelwa yintombazane eyamtshela ukuba akaye esontweni kaSathane phakathi kobusuku.
UThembi uthe ngemva kokuba uMongezi aziphose phansi ngeSonto ntambama, akuphumanga ngitsho elincane igazi kuye.
Kuthiwa ngoMgqibelo ebusuku wayeke wazama futhi ukuziphosa phansi.
UThembi uthi wayelele ngesikhathi umngane kaMongezi — uLwazi Zondi — ezombikela ngodaba lokufonelwa kukaMongezi.
“Angiyikholwanga into angitshela yona umngane wakhe. Ngakusasa ekuseni, uMongezi wakuqinisekisa.
Wayebukeka ekhathele futhi ejuluka. Wayebhonga uma ekhuluma okuyilapho engabona khona ukuthi kukhona okungahambi kahle,” kutsho uThembi, kubika iDaily Sun.
USergeant Mduduzi Zondo oyisikhulumi samapholisa uthe sekuqalwe uphenyo ngaloludaba.
