uMthunywa
Yintatheli kaMthunywa
USILAMBELE isicoco seTelkom Knockout ukwedlula zonke ezinye izicoco umdlali weKaizer Chiefs uWillard “Salt & Vinegar” Katsande.
Amakhosi azahlangana leMamelodi Sundowns ku-final yomqhugelwano mhlaka 16 kuMpalakazi enkundleni esazomenyezelwa.
UKatsande utshele Isolezwe ukuthi usibheke ngabomvu isicoco seTKO esihamba lomvuzo oyi-R4,25 million.
“Selokhu ngijoyine iKaizer Chiefs sengiziwine zonke izicoco ezikhona eNingizimu Afrika ngaphandle kweseTelkom Knockout. Lesi isicoco yisona kuphela engisifunayo, futhi leli lithuba elihle lokuthi ngisithole. Angikaze ngidlale ngitsho laku-final.
“Ngiyazi ukuthi ngeke kubelula ngengoba sidlala leqembu elisefomini iSundowns kodwa kumele siwunqobe lomdlalo. IChiefs ayisilona iqembu elifika emidlalweni enjengale litshaywe kodwa kuyisiko layo ukunqoba imidlalo le. Njengoba sisanda kutshaywa yi-Ajax, nomakanjani kufanele sisithole lesi sicoco,” kutsho uKatsande.
Ngo-2012/2013 uKatsande uhlabane ngesicoco se-Absa Premiership leseNedbank Cup. Ngesizini elandelayo lo mdlali akazange aphakamise lesisodwa isicoco ngoba Amakhosi aqeda isizini esesula izandla. Ngesizini edlule uKatsande uqukule eseMTN 8 lesePremiership. Icine ukunqoba inkezo yeTKO ngo-2010 ivithiza i-Orlando Pirates ngo 3-0 e-FNB Stadium, eSoweto, eGoli.
“Ngicabanga ukuthi nxa silandele yonke imiyalelo yomqeqetshi (uSteve Komphela) ngosuku lomdlalo sizophumelela.
Kubalulekile ukuthi umnyaka siwuvale ngenothi eliphezulu. Lokho kuzokwenza sigcwale ukuzethemba okungaba lomthelela omuhle emgqigqweni wethu weligi,” kutsho uKatsande.
KuMTN 8, iChiefs iqunjwe phansi yi-Ajax ngo 1-0 wegoli likaNathan Paulse. Ngesonto eledluleyo uKatsande nguye obebambe zaqina ngesikhathi iChiefs ihlula iLamontville Golden Arrows ngo 3-1 emdlalweni we-Absa Premiership, e-FNB Stadium.
“Akusibo bonke abadlali abathola ithuba lokukhokhela iChiefs. Kimi bekungumzuzu omkhulu ukukhokhela isikhondlakhondla seqembu elifana leChiefs. Ngizizwe ngihloniphekile futhi isikhathi leso ngizohlala ngisikhumbula phezulu kwazo zonke izinto esengike ngazizuza ebholeni.
“Okungenzele umsebenzi wami waba lula yikuthi wonke umuntu uyawazi umsebenzi wakhe eqenjini,” kutsho uKatsande. — Ubulembu
