uMthunywa
SIYADIBANA njalo kuliviki bafundi ngilethemba lokuthi liqhuba kuhle ezifundweni zenu. Nanzi impendulo zemibuzo engalitshiyela yona kuviki ephelileyo
1. lothu
2. ngwe
3. tshopo
4. chatsha
5. khwatshu
6. nti
Asijulise ingqondo.
Khetha izenzukuthi eziqondileyo kulezo oziphiweyo ugcwalise imitsho elandelayo:
a. Wema wathi ….. (nta, nswi, khwimilili).
b. Wamuthi ….. (mfi, nka, nti) ngezinyo esihlathini.
c. Kumnyama …. (nke, tshu, zwi, phoqo) phandle.
d. Sathola isidumbu sithe …. (dindilizi, pekle, wolokohlo) eduze kwendlela.
e. Ngathi ngisanika ubufakazi wangithi ….. (va, mothu, nhlo, jeqe) ngelengulube ngahle ngoma amathe.
Kasihlanganeni kuviki ezayo sihlolana ukuze sibone ukuba siyasazi na isiNtu sethu.
Bafundi thumelani impendulo zenu kunombolo lezi 0773675473 ngeWhatsApp loba ngeSMS. Ufake ibizo lesibongo sakho, ukuthi ukuliphi ibanga lokuthi ufunda kusiphi isikolo.
Thumela njalo lomfanekiso wakho. Kuphephandaba lakuviki ezayo sizafaka impendulo kanye lezithombe zenu.
