UWinston uvule ilihlo elibomvu

18 Jan, 2018 - 00:01 0 Views
UWinston uvule ilihlo elibomvu Winston Mhango

uMthunywa

YiNtatheli kaMthunywa
AKULAMDLALI webhola likanobhutshuzwayo ongafuni ukudlala enkundleni zeChampions League.

Ukuphatheka kulesisigaba somdlalo kukhweza idlabuzane njalo kuphakamisa lesisindo somdlalo womdlali.

Omunye wabadlali beqembu leFC Platinum elizamela isizwe kumqhudelwano weCaf Champions League ubike ukuba ulinde ngamehlo abomvu ukuthi ayetshibilika kunkundla zentshantshu zeAfrica.

UWinston Mhango odlala engumgadli phakathi kwesisu senkundla ukhulume lephephandaba likazulu kuliviki ngesikhathi eqeda ukulolonga leqembu.

“Ukuba yingxenye yeqembu elizakuyancintisa kuChampions League kungikhuthaza ukuthi ngiqale ukutshintsha umdlalo wami, uqanse uye ezingeni eliphezulu. Ukubonakala udlalela kusigaba esiphezulu kangaka kuyamthokozisa,” kutsho lumdlali.

Izimbamgodi zeFC Platinum zimela isizwe ngoba yizo ezanqoba kunkezo yeCastle Lager ngomnyaka ka2017. Iqembu leli okwamanje lilolonga koBulawayo, lilungiselela ukuqala kumncintiswano.

Kusenjalo, isikhulumi se-FC Platinum uChido Chizondo uthe ngoLwesine emini bazakwethula uluhlu lwabadlali babo abazangena kuqula likamqeqetshi uNorman Mapeza.

“Sizakwethula abadlali bethu abazadlala kumqhudelwano weTotal Caf Champions League ngoLwesine koBulawayo. Abalandeli bethu kumele babekwazi ukuthi asibalahlanga njalo sizakuya laseZvishavane siyebonisa iqula lethu elitsha.”

UMapeza wetheswa ingqobe yokuthi aqhube ithimu le iphindele kumkhankaso weAfrica.

Ukuba seqenjini leFC Platinum kumkhukhumezile lumqeqetshi.

Umqeqetshi lo welula kuleliphephandaba ekuqaleni komnyaka ukuba iqembu lakhe selikhangelele ukudlala kuhle lamanye amathimu eAfrica.

“Abadlali bethu bonke abaphakamise iFC Platinum akumelanga sibalahle. Kulalabo asebekhulile ngeminyaka yokuzalwa kodwa babalulekile. Abadlali abasakhulayo bafunda okunengi kibo.

“Ithuba lokuyancintisa kuCaf liyasikhuthaza kakhulu. Umdlali munye ngamunye uyazi ukuthi lesi yiso isikhathi sokuziphakamisa,” kutsho uMapeza.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds