Uncategorized

Uthembisa ukuyaloya igqwetha eNigeria

14 Feb, 2019 - 00:02 0 Views
Uthembisa ukuyaloya igqwetha eNigeria

uMthunywa

Musa Janga

KULENDODA yakoBulawayo etshiye umthethwandaba weTredgold ubambe owangaphansi ngemva kokusongela ingqwetha ukuthi izakuyaliloya elizweni leNigeria ngoba selimbuze kakhulu imibuzo.

UFrancis Okafor ongumamangala kulelicala uvuke ubhova ngesikhathi ebuzisiswa nguMnumzana Byron Sengweni oligqwetha leSengweni Legal Practitioners  ethi kusukela ngenyanga kaNtulikazi nyakenye ubetshitsha enkundleni njalo usekhathele ngoba ulanda ukuzobuzwa imibuzo engapheliyo ligqwetha leli.

UMnu Sengweni ubemele uNkosazana Maggi Sanjay yena owetheswa icala  lokuqila umamangala uMnu Okafor  imali engange$3 600 ethi  ulebhizimusi lokuthengisa utshwala ngakho ufuna uMnu Okafor amncede ngemali. 

Kubikwa  uMnu Okafor wanika uNkszn Sanjay leyomali kodwa ngokuya kwesikhathi wananzelela ukuthi ibhizimusi leli kalikho  wasesiyamangala emapholiseni.

Ngesikhathi ebuzwa ngalokhu uMnu Okafor uyehluleke ukuphendula wacina esetshela ingqwetha, uMnu Sengweni ukuthi lizazibonela.

“Angisafuni kuqhubeka ngalelicala. Ngilezinye indlela engizathola ngazo imali yami futhi. Angisafuni kuqhubeka ngidelelwa kulinkundla langokube ngilokhe  ngiphenduka lapha njalonje.

“Ngizaya engcwabeni likababa wami eNigeria ngisebenze lawe ngendlela yakithi,” kutsho uMnu Okafor esongela uSengweni.

Umantshi uNkosazana Rachel Mukanga uthe ebona ukuthi sokunzima ukuqhubeka ngalelicala walivala wathi lizaqhutshwa ngoLwesihlanu.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds